ജയിച്ചേ പറ്റൂ, സണ്റൈസേഴ്സും കൊല്ക്കത്തയും മുഖാമുഖം; ടോസ് ജയിച്ച് റാണ, ടീമുകള് മാറ്റം
Synopsis
ഹൈദരാബാദില് ഇന്ത്യന് സമയം വൈകിട്ട് ഏഴരയ്ക്കാണ് സണ്റൈസേഴ്സ് ഹൈദരാബാദ്-കൊല്ക്കത്ത നൈറ്റ് റൈഡേഴ്സ് മത്സരം ആരംഭിക്കുക
ഹൈദരാബാദ്: ഐപിഎല് പതിനാറാം സീസണില് ജീവന്മരണ പോരാട്ടത്തിന് സണ്റൈസേഴ്സ് ഹൈദരാബാദും കൊല്ക്കത്ത നൈറ്റ് റൈഡേഴ്സും അല്പസമയത്തിനകം ഇറങ്ങും. ടോസ് നേടിയ കെകെആര് നായകന് നിതീഷ് റാണ ബാറ്റിംഗ് തെരഞ്ഞെടുത്തു. രണ്ട് മാറ്റങ്ങളുമായാണ് കൊല്ക്കത്ത നൈറ്റ് റൈഡേഴ്സ് ഇറങ്ങുന്നത്. കൊല്ക്കത്ത നിരയില് ഡേവിഡ് വീസിന് പകരം ജേസന് റോയിയും എന് ജഗദീശന് പകരം വൈഭവ് അറോറയും ഇടംപിടിച്ചു. അതേസമയം സണ്റൈസേഴ്സിലും മാറ്റങ്ങളുണ്ട്. പരിക്ക് മാറിയ യുവ പേസര് കാര്ത്തിക് ത്യാഗി ടീമിലേക്ക് എത്തി.
പ്ലേയിംഗ് ഇലവനുകള്
സണ്റൈസേഴ്സ് ഹൈദരാബാദ്: മായങ്ക് അഗര്വാള്, അഭിഷേക് ശര്മ്മ, ഏയ്ഡന് മാര്ക്രം(ക്യാപ്റ്റന്), ഹെന്റിച്ച് ക്ലാസന്(വിക്കറ്റ് കീപ്പര്), ഹാരി ബ്രൂക്ക്, അബ്ദുല് സമദ്, മാര്ക്കോ യാന്സന്, മായങ്ക് മര്ക്കാണ്ഡെ, ഭുവനേശ്വര് കുമാര്, കാര്ത്തിക് ത്യാഗി, ടി നടരാജന്.
സബ്റ്റിസ്റ്റ്യൂട്ട്സ്: രാഹുല് ത്രിപാഠി, വിവ്രാന്ത് ശര്മ്മ, ഗ്ലെന് ഫിലിപ്സ്, നിതീഷ് റെഡി, സന്വീര് സിംഗ്.
കൊല്ക്കത്ത നൈറ്റ് റൈഡേഴ്സ്: റഹ്മാനുള്ള ഗുര്ബാസ്(വിക്കറ്റ് കീപ്പര്), ജേസന് റോയി, വെങ്കടേഷ് അയ്യര്, നിതീഷ് റാണ(ക്യാപ്റ്റന്), ആന്ദ്രേ റസല്, സുനില് നരെയ്ന്, ഷര്ദ്ദുല് ഠാക്കൂര്, വൈഭവ് അറോറ, ഹര്ഷിത് റാണ, വരുണ് ചക്രവര്ത്തി.
സബ്റ്റിസ്റ്റ്യൂട്ട്സ്: സുയാഷ് ശര്മ്മ, അനുകുല് റോയി, എന് ജഗദീശന്, ലോക്കീ ഫെര്ഗ്യൂസന്, കുല്വന്ത് ഖെജ്രോലിയ.
ഹൈദരാബാദില് ഇന്ത്യന് സമയം വൈകിട്ട് ഏഴരയ്ക്കാണ് സണ്റൈസേഴ്സ് ഹൈദരാബാദ്-കൊല്ക്കത്ത നൈറ്റ് റൈഡേഴ്സ് മത്സരം ആരംഭിക്കുക. ഇരു ടീമിനും ജയം അനിവാര്യമാണ് ഈ മത്സരത്തില്. അവസാന മത്സരത്തില് ഡല്ഹി ക്യാപിറ്റല്സിനെതിരെ 9 റണ്സിന് സണ്റൈസേഴ്സ് വിജയിച്ചിരുന്നു. ഗുജറാത്ത് ടൈറ്റന്സിനോടേറ്റ ഏഴ് വിക്കറ്റ് തോല്വിയില് നിന്ന് കരകയറുകയാണ് കെകആറിന്റെ ലക്ഷ്യം.
Read more: പോയിന്റ് പട്ടികയില് താഴെയായിരിക്കാം; പക്ഷേ, ഒരു സണ്റൈസേഴ്സ് താരത്തെ കെകെആര് ഭയക്കണം
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!