ആര്സിബിക്ക് ബാറ്റിംഗ് തകര്ച്ച! രക്ഷകനായി മഴ; പ്രാര്ത്ഥനയോടെ ലഖ്നൗ സൂപ്പര് ജെയന്റ്സ്
Synopsis
ലഖ്നൗ, ഏകനാ സ്റ്റേഡിയത്തില് നാലിന് 93 എന്ന നിലയിലാണ് ആര്സിബി. ഫാഫ് ഡു പ്ലെസിസ് (40), ദിനേശ് കാര്ത്തിക് (1) എന്നിവരാണ് ക്രീസില്. രണ്ട് വിക്കറ്റ് വീഴ്ത്തിയ രവി ബിഷ്ണോയിയാണ് ആര്സിബിയെ തകര്ത്തത്.
ലഖ്നൗ: ഐപിഎല്ലില് ലഖ്നൗ സൂപ്പര് ജെയ്്ന്റ്സ്- റോയല് ചലഞ്ചേഴ്സ് ബാംഗ്ലൂര് മത്സരത്തില് മഴക്കളി. ആര്സിബിയുടെ ബാറ്റിംഗിനിടെ 15.2 ഓവറായപ്പോഴാണ് മഴയെത്തിയത്. ലഖ്നൗ, ഏകനാ സ്റ്റേഡിയത്തില് നാലിന് 93 എന്ന നിലയിലാണ് ആര്സിബി. ഫാഫ് ഡു പ്ലെസിസ് (40), ദിനേശ് കാര്ത്തിക് (1) എന്നിവരാണ് ക്രീസില്. രണ്ട് വിക്കറ്റ് വീഴ്ത്തിയ രവി ബിഷ്ണോയിയാണ് ആര്സിബിയെ തകര്ത്തത്.
ഒന്നാം വിക്കറ്റില് 62 റണ്സിന്റെ കൂട്ടുകെട്ടുണ്ടാക്കിയ ശേഷം വിരാട് കോലിയാണ് (31) ആദ്യം മടങ്ങിയത്. മൂന്ന് ബൗണ്ടറികള് നേടിയ കോലിയെ രവി ബിഷ്ണോയിയുടെ പന്തില് നിക്കോളാസ് പുരാന് സ്റ്റംപ് ചെയ്ത് പുറത്താക്കുകയായിരുന്നു. പിന്നീടെത്തിയ മൂന്ന് താരങ്ങളും രണ്ടക്കം കണ്ടില്ല. അനുജ് റാവത്തിനെ (9) കൃഷ്ണപ്പ ഗൗതം കെയ്ല് മെയേഴ്സിന്റെ കൈകളിലെത്തിച്ചു. ഗ്ലെന് മാക്സ്വെല് (4) ബിഷ്ണോയിയുടെ പന്തില് റിവേഴ്സ് സ്വീപ്പിന് ശ്രമിക്കുന്നിതിനിടെ വിക്കറ്റിന് മുന്നില് കുടുങ്ങി.
സുയഷ് പ്രഭുദേശായ് (6) അമിത് മിശ്രയുടെ പന്തില് ഗൗതമിന് ക്യാച്ച് നല്കി. ബാറ്റിംഗ് ദുഷ്കരമായ പിച്ചില് ഫാഫിന്റെ ഇന്നിംഗ്സിന് വേഗതയുമില്ലായിരുന്നു. 36 പന്തുകള് നേരിട്ട ഫാഫ് ഓരോ സിക്സും ഫോറുമാണ് നേടിയത്.
ടോസ് നേടിയ ആര്സിബി ക്യാപ്റ്റന് ലഖ്നൗവിനെ ഫാഫ് ഡു പ്ലെസിസ് ബാറ്റിംഗ് തിരഞ്ഞെടുക്കുകയായിരുന്നു. ഒരു മാറ്റവുമായിട്ടാണ് ലഖ്നൗ ഇറങ്ങിയത്. ആവേഷ് ഖാന് പകരം കൃഷ്ണപ്പ ഗൗതം ടീമിലെത്തി. ആര്സിബി രണ്ട് മാറ്റം വരുത്തി. ജോഷ് ഹേസല്വുഡ് ടീമിലെത്തി. ഷഹ്ബാസ് അഹമ്മദിന് പകരം അനുജ് റാവത്തിനെ ടീമിലുള്പ്പെടുത്തി.
റോയല് ചലഞ്ചേഴ്സ് ബാംഗ്ലൂര്: വിരാട് കോലി, ഫാഫ് ഡു പ്ലെസിസ്, അനുജ് റാവത്ത്, ഗ്ലെന് മാക്സ്വെല്, മഹിപാല് ലോംറോര്, ദിനേശ് കാര്ത്തിക്, സുയഷ് പ്രഭുദേശായ്, വാനിന്ദു ഹസരങ്ക, കരണ് ശര്മ, മുഹമ്മദ് സിറാജ്, ജോഷ് ഹേസല്വുഡ്.
ലഖ്നൗ സൂപ്പര് ജെയന്റ്സ്: കെ എല് രാഹുല്, കെയ്ല് മെയേഴ്സ്, ദീപക് ഹൂഡ, മാര്കസ് സ്റ്റോയിനിസ്, ക്രുനാല് പാണ്ഡ്യ, നിക്കോളാസ് പുരാന്, കെ ഗൗതം, രവി ബിഷ്ണോയ്, നവീന് ഉള് ഹഖ്, അമിത് മിശ്ര, യഷ് ഠാക്കൂര്.
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!