നെടുമ്പാശേരിയില് നിന്നുള്ള 12 എയര് ഇന്ത്യ വിമാനങ്ങള് തിരുവനന്തപുരത്തു നിന്ന് സര്വീസ് നടത്തും
Synopsis
മഴ മാറിയാൽ ഞായറാഴ്ച വൈകിട്ട് മൂന്നിനേ തുറക്കുകയുള്ളുവെന്നും സിയാൽ അറിയിച്ചു. അതുവരെ കൊച്ചിയിലേക്ക് വരുന്ന വിമാനങ്ങള് വഴിതിരിച്ച് വിടാനാണ് തീരുമാനം.
കൊച്ചി: കനത്ത മഴയെ തുടര്ന്ന് നെടുമ്പാശേരി വിമാനത്താവളം ഞായറാഴ്ചവരെ അടച്ച സാഹചര്യത്തില് ഇവിടെ നിന്നുള്ള എയര് ഇന്ത്യയുടെ 12 സര്വീസുകള് തിരുവനന്തപുരം വിമാനത്താവളത്തില് നിന്ന് നടത്തും. ഓഗസ്റ്റ് 10, 11 തിയതികളില് ഇവിടെ നിന്നുള്ള 12 വിമാനങ്ങള് തിരുവനന്തപുരം വിമാനത്താവളത്തില് നിന്ന് സര്വീസ് നടത്തും. ആഭ്യന്തര സര്വീസുകള് കൊച്ചി നാവിക വിമാനത്താവളത്തില് നിന്ന് നടത്താനുള്ള ശ്രമങ്ങള് നടക്കുകയാണ്. സര്ക്കാരിന്റെ ആവശ്യ പ്രകാരം സര്വീസ് നടത്താന് നേവി അനുമതി നല്കിയിട്ടുണ്ട്.
മഴ മാറിയാൽ ഞായറാഴ്ച വൈകിട്ട് മൂന്നിനേ തുറക്കുകയുള്ളുവെന്നും സിയാൽ അറിയിച്ചു. അതുവരെ കൊച്ചിയിലേക്ക് വരുന്ന വിമാനങ്ങള് വഴിതിരിച്ച് വിടാനാണ് തീരുമാനം. വിമാനത്താവളത്തിന്റെ പുറക് വശത്തെ ചെങ്കൽചോട്ടിൽ ജലവിതാനം ഉയർന്നതാണ് വിമാനത്താവളം അടച്ചിടാനുള്ള പ്രധാനകാരണങ്ങളിലൊന്ന്. ചെങ്കൽചോട്ടിൽ ജലവിതാനം ഉയരുകയും വിമാനത്താവളത്തിലേക്ക് വെള്ളം കയറുകയും ചെയ്ത സാഹചര്യത്തിലാണ് വിമാനത്താവളം അടച്ചിടാൻ സിയാൽ തീരുമാനിച്ചത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam