മൊബൈൽ ഉപയോഗം കൂടി, ഗെയിം കളിക്കാൻ 1500 രൂപക്ക് റീചാർജ്; അച്ഛൻ വഴക്ക് പറഞ്ഞതിൽ മനംനൊന്ത് 14കാരൻ ജീവനൊടുക്കി
Synopsis
മൊബൈല് ഗെയിം കളിക്കാനായി കഴിഞ്ഞ ദിവസം ഗര്ഷോം 1500 രൂപയ്ക്ക് ഫോണ് റീച്ചാര്ജ് ചെയ്തിരുന്നു. ഇത് അറിഞ്ഞതോടെ ചൊവ്വാഴ്ച്ച പിതാവ് ശകാരിച്ചിരുന്നു
കട്ടപ്പന: അമിതമായി മൊബൈല് ഉപയോഗിച്ചതിനും വലിയ തുകയ്ക്ക് റീച്ചാര്ജ് ചെയ്തതിനും പിതാവ് വഴക്ക് പറഞ്ഞതില് മനംനൊന്ത് ഒന്പതാം ക്ലാസുകാരന് ജീവനൊടുക്കി. കട്ടപ്പന സുവര്ണഗിരി കല്യാണത്തണ്ട് കറുകപ്പറമ്പില് ബാബു (രവീന്ദ്രന്)- ശ്രീജ ദമ്പതികളുടെ മകന് ഗര്ഷോം(14) ആണ് മരിച്ചത്.
കട്ടപ്പന ട്രൈബല് ഹയര്സെക്കന്ഡറി സ്കൂള് വിദ്യാര്ഥിയാണ്. മൊബൈല് ഗെയിം കളിക്കാനായി കഴിഞ്ഞ ദിവസം ഗര്ഷോം 1500 രൂപയ്ക്ക് ഫോണ് റീച്ചാര്ജ് ചെയ്തിരുന്നു. ഇത് അറിഞ്ഞതോടെ ചൊവ്വാഴ്ച്ച പിതാവ് ശകാരിച്ചിരുന്നു. തുടര്ന്ന് ഇന്നലെ രാവിലെ ബാബുവും ശ്രീജയും ജോലിക്ക് പോയതിനു പിന്നാലെ ഗര്ഷോം മുറിയില് കയറി കതകടച്ചിരുന്നു.
അനിയത്തും വല്യമ്മയും ഈ സമയം വീട്ടിലുണ്ടായിരുന്നു. ഏലക്കാട്ടില് ജോലിക്കാരിയായ അമ്മ വിളിച്ചിട്ട് കിട്ടാതായതോടെ സമീപ വീട്ടിലെ പാസ്റ്ററെ വിളിച്ച് വിവരം അന്വേഷിച്ചു. പാസ്റ്റര് വന്നു നോക്കിയപ്പോഴാണ് മുറിക്കുള്ളില് ഗര്ഷോമിനെ ഷാളില് തൂങ്ങി മരിച്ച നിലയില് കണ്ടത്. കോവിഡ് ടെസ്റ്റിനും മൃതദേഹം ഇടുക്കി മെഡിക്കല് കോളജിലേക്ക് മാറ്റി. സംസ്കാരം നാളെ ഉച്ചകഴിഞ്ഞ്. സഹോദരി: ജിസിയ.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam