ഇന്നലെ പൊള്ളലേറ്റത് 65 പേര്ക്ക്; ചൂട് ഒരാഴ്ച കൂടി തുടരും, സംസ്ഥാനത്ത് ജാഗ്രത തുടരുന്നു
Synopsis
മേഘാവരണം ഇല്ലാത്തതിനാല് അതികഠിനമായ ചൂട് നേരിട്ട് പതിക്കും. അൾട്രാവയലറ്റ് രശ്മികളുടെ തോത് കൂടിയതിനാല് സൂര്യാതപവും സൂര്യാഘാതവും ഏൽക്കാനുള്ള സാധ്യത കൂടുതലാണ്.
തിരുവനന്തപുരം: സംസ്ഥാനത്ത് ഒന്നര വയസുകാരനുള്പ്പെടെ ഇന്നലെ 65പേര്ക്ക് സൂര്യാതപമേറ്റു.അതികഠിനമായ ചൂട് ഒരാഴ്ച കൂടി തുടരുമെന്നാണ് മുന്നറിയിപ്പ്. ജാഗ്രതാ നിര്ദേശം ഞായറാഴ്ച വരെ നീട്ടി കോഴിക്കോട് മുക്കത്തും തിരുവനന്തപുരത്തും രണ്ടുപേര്ക്ക് വീതവും ഊര്ങ്ങാട്ടേരിയിലും ഇടുക്കി ഹൈറേഞ്ചിലും തൃശൂരിലും മലപ്പുറം തിരുരങ്ങാടിയിലും ഒരോരുത്തര്ക്കുമാണ് സൂര്യാതപമേറ്റത്.
ഇടുക്കിയും വയനാടും ഒഴികെയുളള ജില്ലകളില് താപനില 35 ഡിഗ്രി മുതല് 41 ഡിഗ്രി സല്ഷ്യസ് വരെ ഉയര്ന്നേക്കാം. മേഘാവരണം ഇല്ലാത്തതിനാല് അതികഠിനമായ ചൂട് നേരിട്ട് പതിക്കും. അൾട്രാവയലറ്റ് രശ്മികളുടെ തോത് കൂടിയതിനാല് സൂര്യാതപവും സൂര്യാഘാതവും ഏൽക്കാനുള്ള സാധ്യത കൂടുതലാണ്. 11 മണി മുതല് 3 മണിവരെയുള്ള സമയത്ത് വെയില് ഏല്ക്കരുതെന്ന കര്ശന നിര്ദേശം നല്കിയിട്ടുണ്ട്.
നിര്ജലീകരണം ഉണ്ടാകുമെന്നതിനാല് ധാരാളം വെള്ളം കുടിക്കണം. പൊള്ളല് , ക്ഷീണം എന്നിവ ഉണ്ടായാൽ ഉടനടി മെഡിക്കല് സഹായം തേടണമെന്ന നിര്ദേശവും നല്കിയിട്ടുണ്ട്. വരള്ച്ച , പകര്ച്ചവ്യാധി അടക്കം നേരിടാൻ കര്മ സമിതികള് തയാറായിട്ടുണ്ട്. ജില്ലകളിലെ സ്ഥിതി ഗതികള് കലക്ടറേറ്റുകള് കേന്ദ്രീകരിച്ചുള്ള കണ്ട്രോല് റൂമുകള് നിരീക്ഷിക്കുന്നുണ്ട്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam