കോൺഗ്രസിന്‍റെ സമരാഗ്നി പ്രചരണ വീഡിയോക്ക് ബിജെപി നേതാവിന്റെ ദൃശ്യങ്ങൾ; പരാതി

വിഷയത്തിൽ അജയകുമാർ ജില്ലാ പൊലീസ് മേധാവിക്ക് പരാതി നൽകി. യൂത്ത് കോൺഗ്രസ് പാലക്കാട് ജില്ലാ കമ്മിറ്റി പുറത്തിറക്കിയ വീഡിയോയിലാണ് മുൻ ബ്ലോക്ക് പഞ്ചായത്ത് അംഗം കൂടിയായ അജയകുമാറിന്‍റെ ദൃശ്യം ഉപയോഗിച്ചത്. ഇതിനെതിരായണ് അജയകുമാർ രം​ഗത്തെത്തിയത്. 

പത്തനംതിട്ട: കോൺഗ്രസിന്‍റെ സമരാഗ്നി പ്രചരണ വീഡിയോക്കായി ബിജെപി നേതാവായ കർഷകന്‍റെ ദൃശ്യങ്ങൾ അനുവാദമില്ലാതെ ഉപയോഗിച്ചെന്ന് പരാതി. കെപിസിസി പ്രസിഡന്‍റ്, യൂത്ത് കോൺഗ്രസ് സംസ്ഥാന അധ്യക്ഷൻ എന്നിവർക്കെതിരെയാണ് പത്തനംതിട്ട പുല്ലാട് സ്വദേശി അജയകുമാറിന്റെ പരാതി. വിഷയത്തിൽ അജയകുമാർ ജില്ലാ പൊലീസ് മേധാവിക്ക് പരാതി നൽകി. യൂത്ത് കോൺഗ്രസ് പാലക്കാട് ജില്ലാ കമ്മിറ്റി പുറത്തിറക്കിയ വീഡിയോയിലാണ് മുൻ ബ്ലോക്ക് പഞ്ചായത്ത് അംഗം കൂടിയായ അജയകുമാറിന്‍റെ ദൃശ്യം ഉപയോഗിച്ചത്. ഇതിനെതിരായണ് അജയകുമാർ രം​ഗത്തെത്തിയത്.