സമരം തീർക്കാൻ സർക്കാർ, പുതിയ തസ്തികകൾ, ഒഴിവുള്ള തസ്തികകളിൽ ഉടൻ നിയമനം

പുതിയ തസ്തികകളിൽ 113 എണ്ണം പൊലീസിലായിരിക്കും.  കെപിആറ് എന്ന പേരിൽ പുതിയ ബറ്റാലിയൻ രൂപീകരിക്കും.  

തിരുവനന്തപുരം: സർക്കാർ സർവ്വീസിൽ ഒഴിവുള്ള തസ്തികകളിലെല്ലാം എത്രയും വേ​ഗം നിയമനം നടത്താൻ മന്ത്രിസഭാ യോ​ഗം തീരുമാനിച്ചു. പുതിയ 400 തസ്തികകൾ സൃഷ്ടിക്കാനും തീരുമാനമായിട്ടുണ്ട്. 

84 കായികതാരങ്ങൾക്ക് നിയമനം നൽകാനും സർക്കാർ തീരുമാനിച്ചു. പ്രതിഷേധിച്ച ദേശീയ​ഗെയിംസ് ജേതാക്കൾ അടക്കമുള്ളവർക്ക് നിയമനം നൽകും. പുതിയ തസ്തികകളിൽ 113 എണ്ണം പൊലീസിലായിരിക്കും.  കെപിആറ് എന്ന പേരിൽ പുതിയ ബറ്റാലിയൻ രൂപീകരിക്കും.

ശബരിമല, പൗരത്വ നിയമ ഭേദഗതി പ്രതിഷേധ കേസുകൾ പിൻവലിക്കാനും സംസ്ഥാന മന്ത്രിസഭായോഗത്തിൽ തീരുമാനമായി. ഗുരുതര ക്രിമിനൽ സ്വഭാവമില്ലാത്ത കേസുകൾ പിൻവലിക്കാനാണ്  തീരുമാനമായത്.  ശബരിമലയുമായി ബന്ധപ്പെട്ട്  വിവിധ ജില്ലകളിലായി 2300 ലധികം കേസുകളുണ്ട്. ഇതിൽ കണ്ണൂർ ജില്ലയിലാണ് ഏറ്റവും അധികം കേസുകളുള്ളത്.