കൊല്ലത്തെ അഗ്നിപഥ് റിക്രൂട്ട്മെന്‍റ് റാലി: ഓൺലൈൻ രജിസ്‌ട്രേഷൻ ഓഗസ്റ്റ് 5 മുതൽ,റാലി നവംബർ 15 മുതൽ നവംബർ 30 വരെ

ഓഗസ്റ്റ്  5 മുതൽ  സെപ്തംബർ 3 വരെ www.joinindianarmy.nic.in എന്ന വെബ്‌സൈറ്റ് വഴി ഓൺലൈനായി രജിസ്‌ട്രേഷൻ ചെയ്യാനാകും, നേരത്തെ ഇന്ന് ഓഗസ്റ്റ് ഒന്നാം തിയതി മുതലായിരുന്നു

തിരുവനന്തപുരം : അഗ്നിപഥ്(agnipath) റിക്രൂട്ട്‌മെന്റ് റാലിയുടെ (recruitment rally)ഓൺലൈൻ രജിസ്‌ട്രേഷൻ ആരംഭിക്കുന്നതിനുള്ള തീയതിയിൽ മാറ്റം. ഓഗസ്റ്റ് 5 മുതലാകും ഓൺലൈൻ രജിസ്ട്രേഷൻ.ഓഗസ്റ്റ്  5 മുതൽ  സെപ്തംബർ 3 വരെ www.joinindianarmy.nic.in എന്ന വെബ്‌സൈറ്റ് വഴി ഓൺലൈനായി രജിസ്‌ട്രേഷൻ ചെയ്യാനാകും, നേരത്തെ ഇന്ന് ഓഗസ്റ്റ് ഒന്നാം തിയതി മുതലായിരുന്നു, 

ചില സാങ്കേതിക കാരണങ്ങളാൽ ഓഗസ്റ്റ് ഒന്നാം തീയതിക്ക് പകരം ഓഗസ്റ്റ് അഞ്ചാം തീയതിലേക്കു മാറ്റുന്നതെന്ന് തിരുവനന്തപുരത്തെ ആർമി റിക്രൂട്ട്‌മെന്റ് ഓഫീസ് അറിയിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലെ പുരുഷ ഉദ്യോഗാർത്ഥികൾക്കായുള്ള അഗ്നിപഥ് റിക്രൂട്ട്‌മെന്റ് റാലി നവംബർ 15 മുതൽ നവംബർ 30 വരെ കൊല്ലം ലാൽ ബഹദൂർ ശാസ്ത്രി സ്റ്റേഡിയത്തിൽ ആണ് സംഘടിപ്പിച്ചിട്ടുള്ളത്.

അഗ്നിവീർ ജനറൽ ഡ്യൂട്ടി, അഗ്നിവീർ ടെക്‌നിക്കൽ, അഗ്നിവീർ ട്രേഡ്‌സ്‌മെൻ എന്നീ വിഭാഗങ്ങളിലേക്ക് അപേക്ഷിക്കാൻ പത്താംക്ലാസ് പാസായിരിക്കണം, അഗ്നിവീർ കാറ്റഗറിയിലേക്ക് അപേക്ഷിക്കാൻ എട്ടാം ക്ലാസ് യോഗ്യത മതി. അഗ്നിവീർ ക്ലർക്ക്/സ്റ്റോർ കീപ്പർ ടെക്‌നിക്കൽ എന്നീ വിഭാഗങ്ങൾ സേനയിൽ എൻറോൾ ചെയ്യുന്നതിനാണ് റാലി സംഘടിപ്പിക്കുന്നത്. ആർമിയിൽ നിർദിഷ്ട വിഭാഗങ്ങളിൽ ചേരുന്നതിനുള്ള പ്രായം, വിദ്യാഭ്യാസ യോഗ്യത, മറ്റ് മാനദണ്ഡങ്ങൾ വെബ്‌സൈറ്റിൽ പ്രസിദ്ധീകരിക്കുന്ന വിജ്ഞാപനത്തിൽ നൽകും. രജിസ്റ്റർ ചെയ്ത ഉദ്യോഗാർഥികളുടെ അഡ്മിറ്റ് കാർഡുകൾ 2022 നവംബർ  01 മുതൽ 10 വരെ അവരുടെ ഇമെയിലിലേക്ക് അയയ്ക്കും. 

കരസേന അഗ്നിപഥ് റിക്രൂട്ട്മെൻറ് റാലി ഒക്ടോബർ ഒന്ന് മുതൽ കോഴിക്കോട്ട്

കോഴിക്കോട്: കരസേനയിലേക്കുള്ള (agnipath recruitment rally) അഗ്നിപഥ് റിക്രൂട്ട്മെൻറ് റാലി ഒക്ടോബർ ഒന്ന് മുതൽ 20 വരെ കോഴിക്കോട്ട് നടക്കും. കാസർകോട്, കണ്ണൂർ, കോഴിക്കോട്, വയനാട്, മലപ്പുറം, പാലക്കാട്, തൃശൂർ ജില്ലകളിൽനിന്നുള്ളവർക്ക് പങ്കെടുക്കാം. കോഴിക്കോട് ഈസ്റ്റ് ഹിൽ ഗവ. ഫിസിക്കൽ എജുക്കേഷൻ കോളജിലാണ് റാലി നടക്കുക. അഗ്നിവീർ ജനറൽ ഡ്യൂട്ടി (പത്താം ക്ലാസ് യോഗ്യത), അഗ്നിവീർ ടെക്നിക്കൽ (പ്ലസ്ടു യോഗ്യത), പത്താം തരം പാസായവർക്കുള്ള അഗ്നിവീർ ട്രേഡ്സ്മാൻ, എട്ടാം ക്ലാസ് പാസായവർക്കുള്ള അഗ്നിവീർ ട്രേഡ്സ്മാൻ, അഗ്നിവീർ ക്ലാർക്ക്/സ്റ്റോർ കീപ്പർ/ടെക്നിക്കൽ (പ്ലസ്ടു യോഗ്യത) എന്നീ വിഭാഗങ്ങളിലേക്കാണ് പ്രവേശനം. 

പ്രായപരിധി: പതിനേഴര  മുതൽ 21 വരെ. 2022-23 വർഷം ഒറ്റത്തവണത്തേക്ക് ഉയർന്ന പ്രായപരിധി 23 ആക്കിയിട്ടുണ്ട്. നാലു വർഷമാണ് സേവന കാലാവധി. ഇതിന് ശേഷം 25 ശതമാനം പേർക്ക് സേനയിൽ സ്ഥിര നിയമനത്തിന് അവസരമുണ്ട്. ആകർഷകമായ വേതനം, അലവൻസ്, നഷ്ടപരിഹാര വ്യവസ്ഥകൾ.വിശദവിവരങ്ങൾക്കും രജിസ്ട്രേഷനും വെബ്സൈറ്റ് കാണുക. വെബ്സൈറ്റ് വിലാസം: https://joinindianarmy.nic.in  ഓൺലൈൻ രജിസ്ട്രേഷൻ ആഗസ്ത് ഒന്ന് മുതൽ 23 വരെ. ഓൺലൈൻ രജിസ്ട്രേഷൻ നിർബന്ധമാണ്. രജിസ്റ്റർ ചെയ്തവരുടെ അഡ്മിറ്റ് കാർഡ് ഇ-മെയിലിൽ സെപ്റ്റംബർ അഞ്ച് മുതൽ 10 വരെ അയക്കും. കോഴിക്കോട് വെസ്റ്റ് ഹിൽ ബാരക്സ് ആർമി റിക്രൂട്ട്മെൻറ് ഓഫീസിന്റെ നേതൃത്വത്തിലാണ് റാലി സംഘടിപ്പിക്കുന്നതെന്ന് ആർമി റിക്രൂട്ട്മെൻറ് (വടക്കൻ കേരളം) ഡയറക്ടർ അറിയിച്ചു. ഫോൺ: 0495 2383953.