മലയാളി സിഐഎസ്എഫ് ജവാൻ ജാർഖണ്ഡിൽ അജ്ഞാത വാഹനമിടിച്ച് മരിച്ചു

മരണം സംബന്ധിച്ച് തിരുവനന്തപുരത്തെ ബന്ധുക്കള്‍ക്ക് സി ഐ എസ് എഫിൽ നിന്ന് വിവരം ലഭിച്ചു

തിരുവനന്തപുരം: ജാർഖണ്ഡിൽ മലയാളി സി ഐ എസ് എഫ് ജവാന്‍ വാഹനമിടിച്ച് മരിച്ചു. തിരുവനന്തപുരം കുടപ്പനക്കുന്ന് സ്വദേശി എം അരവിന്ദാണ് മരിച്ചത്. ജാര്‍ഖണ്ട് പത്‌രാതു സി ഐ എസ് എഫ് യൂണിറ്റിലെ ജവാനായിരുന്നു. യൂണിറ്റില്‍ നിന്ന് ചന്തയിൽ പോയി മടങ്ങുന്നതിനിടെ അജ്ഞാത വാഹനം ഇടിച്ചു വീഴ്ത്തുകയായിരുന്നു. അരവിന്ദിന് ഒപ്പമുണ്ടായിരുന്ന മറ്റൊരു ജവാന്‍, ഹരിയാന സ്വദേശി ധര്‍മ്മപാലിനും മരിച്ചു. ഇരുവരും നടന്നു വരുമ്പോഴായിരുന്നു അപകടം. മരണം സംബന്ധിച്ച് തിരുവനന്തപുരത്തെ ബന്ധുക്കള്‍ക്ക് സി ഐ എസ് എഫിൽ നിന്ന് വിവരം ലഭിച്ചു. മൃതദേഹം പോസ്റ്റ്‌മോര്‍ട്ടത്തിന് ശേഷം നാട്ടിലെത്തിക്കും.