കേരളത്തിൽ പാർട്ടി പുനസംഘടന വൈകുന്നതിൽ കോൺഗ്രസ് ഹൈക്കമാന്റിന് അതൃപ്തി

ഗ്രൂപ്പുകളുടെ സമ്മർദ്ദവും, നോമിനികളെ തിരുകാനുള്ള സുധാകരന്റെ ശ്രമവും നടപടി അനിശ്ചിതത്വത്തിലാക്കുകയാണ്

ദില്ലി: കേരളത്തിലെ പാർട്ടി പുന:സംഘടന വൈകുന്നതിൽ കോൺഗ്രസ് ഹൈക്കമാന്റിന് അതൃപ്തി. കെപിസിസി, ഡിസിസി പുന:സംഘടന വൈകുന്നതിലാണ് ഹൈക്കമാൻഡിന് കടുത്ത അതൃപ്തിയുള്ളത്. നടപടികൾ ഇനിയും വൈകിപ്പിക്കരുതെന്ന് കെപിസിസി അധ്യക്ഷൻ കെ സുധാകരനോട് നേതൃത്വം ആവശ്യപ്പെട്ടു. ഗ്രൂപ്പുകളുടെ സമ്മർദ്ദവും, നോമിനികളെ തിരുകാനുള്ള സുധാകരന്റെ ശ്രമവും നടപടി അനിശ്ചിതത്വത്തിലാക്കുകയാണ്. ഹൈക്കമാൻഡ് നിർദ്ദേശിച്ച സമയപരിധിക്കുള്ളിൽ നടപടികൾ പൂർത്തിയാകില്ലെന്നാണ് ഇപ്പോഴത്തെ നില.