മതപരമായ ചടങ്ങുകളിൽ 10 പേരിൽ അധികം പങ്കെടുക്കരുതെന്ന് എല്ലാ മത നേതാക്കളോടും ആവശ്യപ്പെട്ടതായി കലക്ടർ പിബി നൂഹ് പറഞ്ഞു
പത്തനംതിട്ട: കൊവിഡ് 19 വ്യാപനത്തിന്‍റെ പശ്ചാത്തലത്തിൽ പത്തനംതിട്ട കനത്ത ജാഗ്രതയിലേക്ക്. രണ്ടാഴ്ചത്തേക്ക് കര്‍ശന നിയന്ത്രണം ഏര്‍പ്പെടുത്താൻ നിര്‍ബന്ധിതമായെന്ന് ജില്ലാ ഭരണകൂടം അറിയിച്ചു. മതപരമായ ചടങ്ങുകളിൽ 10 പേരിൽ അധികം പങ്കെടുക്കരുതെന്ന് എല്ലാ മത നേതാക്കളോടും ആവശ്യപ്പെട്ടതായി കലക്ടർ പിബി നൂഹ് പറഞ്ഞു. കലബുർഗിയിൽ നിന്നെത്തിയ 3 വിദ്യാർത്ഥികൾ പത്തനംതിട്ടയിൽ നിരീക്ഷണത്തിൽ കഴിയുന്നുണ്ട്.
വിദേശത്ത് നിന്ന് പത്തനംതിട്ടയിൽ എത്തി നിരീക്ഷണത്തിൽ കഴിയുന്നവരുടെ എണ്ണം 2000 കവിഞ്ഞു. രോഗ വ്യാപനത്തിന്‍റെ തോത് കുറക്കാൻ ലക്ഷ്യമിട്ടാണ് കര്‍ശന നിയന്ത്രണങ്ങൾ ഏര്‍പ്പെടുത്തുന്നത്. ജില്ലാ ഭരണകൂടവും ആരോഗ്യ വകുപ്പ് അധികൃതരും പൊലീസും രോഗ പ്രതിരോധ പ്രവര്‍ത്തനങ്ങൾ ഊര്‍ജ്ജിതമാക്കിയിട്ടുണ്ട്.
കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക