ആശങ്കയൊഴിയാതെ തലസ്ഥാനം; ഒറ്റദിനം 150ലേറെ രോഗികള്, കൂടുതലും സമ്പര്ക്കത്തിലൂടെ
Synopsis
കാര്യവട്ടം ഗ്രീന് ഫീല്ഡ് സ്റ്റേഡിയവും പരിസരവുമാണ് കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററാക്കുന്നതെന്ന് മുഖ്യമന്ത്രി അറിയിച്ചു.
തിരുവനന്തപുരം: സംസ്ഥാനത്ത് ഏറ്റവും കൂടുതല് കൊവിഡ് സ്ഥിരീകരിച്ചത് തിരുവനന്തപുരത്ത്. ബുധനാഴ്ച 157 പേര്ക്കാണ് കൊവിഡ് സ്ഥിരീകരിച്ചത്. ഒരു ജില്ലയില് ഒരു ദിവസം ഏറ്റവും കൂടുതല് രോഗികളുണ്ടാകുന്നതും തിരുവനന്തപുരത്താണ്. രോഗം സ്ഥിരീകരിച്ച 157 പേരില് 130 പേര്ക്കും സമ്പര്ക്കത്തിലൂടെയാണ് രോഗബാധയുണ്ടായതെന്നും ആശങ്കപ്പെടുത്തുന്നു. ഇന്ന് ജില്ലയില് 11 പേരാണ് രോഗമുക്തി നേടിയത്.
ജില്ലയില് കൊവിഡ് ചികിത്സക്കായി 750 കിടക്കകളുള്ള അത്യാധുനിക സൗകര്യങ്ങളുള്ള കൊവിഡ് ഫസ്റ്റ് ലൈന് ട്രീറ്റ്മെന്റ് സെന്റര് തയ്യാറാക്കാനും തീരുമാനമായി. കാര്യവട്ടം ഗ്രീന് ഫീല്ഡ് സ്റ്റേഡിയവും പരിസരവുമാണ് കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററാക്കുന്നതെന്ന് മുഖ്യമന്ത്രി അറിയിച്ചു.
സമ്പര്ക്കം മൂലം ഏറ്റവും കൂടുതല് രോഗികളുള്ളത് മാണിക്യവിളാകം, പുത്തന്പള്ളി, പൂന്തുറയിലും പരിസരപ്രദേശങ്ങളിലുമാണ്. 7 പേരുടെ ഉറവിടം അറിയില്ല. അഞ്ച്ആരോഗ്യപ്രവര്ത്തകര്ക്കും രോഗമുണ്ടായി. തലസ്ഥാനത്തെ സ്ഥിതി ഗൗരവതരമാണ്. രോഗികളുടെ എണ്ണം കൂടുന്നതിനാല് അവര്ക്ക് മികച്ച ചികിത്സ നല്കാന് പൂന്തുറ സെന്റ് തോമസ് സ്കൂളില് താല്ക്കാലിക ആശുപത്രി സജ്ജമാക്കി. കൂടാതെ ഡെങ്കിപ്പനി പോലുള്ളവ റിപ്പോര്ട്ട് ചെയ്യാനുള്ള സാധ്യതയുമുണ്ട്. ജില്ലയില് ഇത് വരെ 32 പേര്ക്ക് ഡെങ്കിപ്പനി സ്ഥിരീകരിച്ചു. 15 പേരുടെ ഫലം വരാനുണ്ട്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam