Covid : രാജ്യത്ത് കൊവിഡിൽ വൻ വർധന; ആശങ്ക ;ആരോഗ്യപ്രവര്ത്തകരുമായി പ്രധാനമന്ത്രി ഇന്ന് സംസാരിക്കും.
Synopsis
സംസ്ഥാനങ്ങളിലെ ഉഗ്രവ്യാപനമാണ് കേസുകള് കുത്തനെ ഉയരാന് കാരണം.ഒമിക്രോണ് ബാധിതരുടെ എണ്ണവും കൂടുകയാണ്
ദില്ലി: രാജ്യത്തെ കൊവിഡ്(covid) പ്രതിദിന കേസുകളിൽ വൻ വർധന. 24 മണിക്കൂറിനിടെ 117000 പേർക്ക് കൊവിഡ് സ്ഥിരീകരിച്ചു. കഴിഞ്ഞ ജൂൺ ആറിനു ശേഷമുള്ള ഏറ്റവും ഉയർന്ന സംഖ്യയാണിത്. മുംബൈയിൽ മാത്രം 20000 കേസുകൾ റിപ്പോർട്ട് ചെയ്തിട്ടുണ്ട്.
സംസ്ഥാനങ്ങളിലെ ഉഗ്രവ്യാപനമാണ് കേസുകള് കുത്തനെ ഉയരാന് കാരണം.ഒമിക്രോണ് (omicron)ബാധിതരുടെ എണ്ണവും കൂടുകയാണ്.
തിരുവനന്തപുരവും എറണാകുളവുമടക്കം രാജ്യത്തെ പതിനഞ്ച് ജില്ലകളിലെമരോഗ വ്യാപനത്തില് ആരോഗ്യമന്ത്രാലയം ഉത്കണ്ഠ അറിയിച്ചിട്ടുണ്ട്.
കര്ണാടകയില് 5031 പേര്ക്ക് കൂടി കൊവിഡ്. 4324 കേസുകളും ബംഗ്ലൂരുവിലാണ്. ടിപിആര് നാല് ശതമാനത്തിന് അടുത്തെത്തി. വാരാന്ത്യ കര്ഫ്യൂ നാളെ മുതൽ നടപ്പാക്കും. ബംഗ്ലൂരുവില് സ്കൂളുകള്ക്കും കോളേജുകള്ക്കും അവധി നല്കിയിരിക്കുകയാണ്. പൊതുഗതാഗതത്തിന് അടക്കം കടുത്ത നിയന്ത്രണമുണ്ട്. കേരളാ അതിര്ത്തികളില് പരിശോധന വര്ധിപ്പിച്ചിരിക്കുകയാണ്. കൊവിഡില്ലാ സര്ട്ടിഫിക്കറ്റും രണ്ട് ഡോസ് കുത്തിവയ്പ്പിന്റെ രേഖകളുമായി എത്തുന്നവരെ മാത്രമേ പ്രവേശിപ്പിക്കുന്നുള്ളൂ
ഇതിനിടെ രാജ്യത്തെ ആരോഗ്യപ്രവര്ത്തകരുമായി പ്രധാനമന്ത്രി ഇന്ന് സംസാരിക്കും.നാല് മണിക്ക് വെര്ചല് യോഗമാകും നടക്കുക. ആരോഗ്യപ്രവര്ത്തകര്ക്കും. അറുപത് വയസിന് മുകളില് ഗുരുതര ആരോഗ്യ പ്രശ്നങ്ങളുള്ളവര്ക്കും പത്താംതീയതി മുതല് കരുതല് ഡോസ് നല്കി തുടങ്ങുന്നതിന് മുന്നോടിയായാണ് പ്രധാനമന്ത്രി സംസാരിക്കുന്നത്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam