'കലാപാഹ്വാനമെന്ന ആരോപണത്തിൽ കഴമ്പില്ല'; എം വി ഗോവിന്ദനെതിരെ കേസെടുക്കാനാകില്ലെന്ന് ക്രൈംബ്രാഞ്ച്
Synopsis
കലാപാഹ്വാനം എന്ന ആരോപണത്തിൽ കഴമ്പില്ലെന്നാണ് ക്രൈംബ്രാഞ്ചിന്റെ പ്രാഥമിക അന്വേഷണ റിപ്പോർട്ടില് പറയുന്നത്. പൊതുപ്രവർത്തകനായ പായിച്ചിറ നവാസ് നൽകിയ പരാതിയിലായിരുന്നു എറണാകുളം ക്രൈംബ്രാഞ്ചിന്റെ പ്രാഥമിക അന്വേഷണം.
കൊച്ചി: പോക്സോ കേസിൽ കെപിസിസി പ്രസിഡന്റ് കെ സുധാകരനെതിരായ പ്രസ്താവനയിൽ സിപിഎം സംസ്ഥാന സെക്രട്ടറി എം വി ഗോവിന്ദനെതിരെ കേസെടുക്കേണ്ടെന്ന് ക്രൈംബ്രാഞ്ച്. പ്രാഥമികാന്വേഷണം അവസാനിപ്പിച്ച് ക്രൈംബ്രാഞ്ച് റിപ്പോർട്ട് നൽകി. കലാപാഹ്വാനം എന്ന ആരോപണത്തിൽ കഴമ്പില്ലെന്നാണ് ക്രൈംബ്രാഞ്ചിന്റെ പ്രാഥമിക അന്വേഷണ റിപ്പോർട്ടില് പറയുന്നത്. പൊതുപ്രവർത്തകനായ പായിച്ചിറ നവാസ് നൽകിയ പരാതിയിലായിരുന്നു എറണാകുളം ക്രൈംബ്രാഞ്ചിന്റെ പ്രാഥമിക അന്വേഷണം.
പായിച്ചിറ നവാസ് നൽകിയ പരാതി പ്രാഥമികാന്വേഷണത്തിന് ശേഷം അവസാനിപ്പിച്ചു. കേസെടുത്ത് അന്വേഷിക്കേണ്ട കാര്യമില്ലെന്ന് വ്യക്തമാക്കി സംസ്ഥാന പൊലീസ് മേഥാവിക്ക് എറണാകുളം ക്രൈംബ്രാഞ്ച് റിപ്പോർട്ടും നൽകി. പുരാവസ്തു തട്ടിപ്പ് കേസ് പ്രതി മോൻസൺ മാവുങ്കൽ പ്രായപൂർത്തിയായ പെൺകുട്ടിയെ പീഡിപ്പിക്കുമ്പോൾ അതേ വീട്ടിൽ കെ സുധാകരനും ഉണ്ടെന്നായിരുന്നു എം വി ഗോവിന്ദന്റെ ആരോപണം. ഈ പരാമര്ശത്തിനെതിരെ കലാപാഹ്വാനത്തിന് കേസെടുക്കണം എന്നായിരുന്നു പരാതി. എന്നാല്, എം വി ഗോവിന്ദന്റെ പരാമർശത്തെത്തുടർന്ന് എങ്ങും കലാപമുണ്ടായില്ലെന്നും കേസെടുക്കേണ്ട കാര്യമില്ലെന്നുമാണ് ക്രൈംബ്രാഞ്ചിന്റെ നിലപാട്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam