സിപിഎം നേതാക്കളുടെ കൂറുമാറ്റം: സിപിഐ നേതൃയോഗത്തില് അതൃപ്തി രേഖപ്പെടുത്തി ഇ ചന്ദ്രശേഖരൻ
Synopsis
നിയമസഭയില് വ്യക്തിപരമായ വിശദീകരണം നല്കാന് അനുവദിക്കണം. വിശദീകരണം നല്കാന് സംസ്ഥാന എക്സിക്യൂട്ടീവ് അനുമതി നല്കിയെന്നും ഇ ചന്ദ്രശേഖരന് പറഞ്ഞു.
തിരുവനന്തപുരം: തന്നെ ആക്രമിച്ച കേസിലെ സിപിഎം നേതാക്കളുടെ കൂറുമാറ്റത്തില് സിപിഐ നേതൃയോഗത്തിൽ അതൃപ്തി രേഖപ്പെടുത്തി ഇ ചന്ദ്രശേഖരൻ. വിധി വന്ന ശേഷം സംസ്ഥാന സെക്രട്ടറി അടക്കം ആരും വിളിച്ചില്ല. നിയമസഭയില് വ്യക്തിപരമായ വിശദീകരണം നല്കാന് അനുവദിക്കണം. വിശദീകരണം നല്കാന് സംസ്ഥാന എക്സിക്യൂട്ടീവ് അനുമതി നല്കിയെന്നും ഇ ചന്ദ്രശേഖരന് പറഞ്ഞു. ചന്ദ്രശേഖരനെ ബിജെപിക്കാര് ആക്രമിച്ച കേസിലെ സിപിഎം കൂറുമാറ്റത്തെ രൂക്ഷമായി വിമര്ശിച്ച് സിപിഐ ദേശീയ നേതൃത്വവും രംഗത്തെത്തിയിരുന്നു. 2016 മെയ് 19 നിയമാസഭാ തെരഞ്ഞെടുപ്പ് വിജയാഹ്ലാദത്തിനിടെ ഇ ചന്ദ്രശേഖരനെ ആക്രമിച്ച കേസില് സിപിഎം ജില്ലാ കമ്മിറ്റി അംഗം അടക്കമുള്ളവര് കുറുമാറിയതിനെ തുടര്ന്ന് പ്രതികളെ വിട്ടയച്ചിരുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam