ഇഡി ഉദ്യോ​ഗസ്ഥരെ ആക്രമിച്ച കേസ്: ഫയലുകൾ പരിശോധിക്കാൻ ഒരുങ്ങി ഡിജിപി, ഇഡിയുടെ അപ്പീൽ നാളെ ഹൈകോടതിയിൽ

മ്യൂസിയം എസ്എച്ച്ഒയെ കൊച്ചിയിൽ എത്തി ഇന്ന് പ്രോസികുഷൻ ഡിജിയുടെ ഓഫീസിൽ എത്താനായിരുന്നു നിർദേശം. ഡിജിപി ആസഫലി കേസ് ഡയറി ഉൾപ്പെടെ പരിശോധിക്കും.ഗീനാകുമാരിയെ പ്രോസിക്യൂട്ടർ സ്ഥാനത്ത് നിന്ന് മാറ്റാനുള്ള നടപടികൾ സർക്കാർ തുടങ്ങി

തിരുവനന്തപുരം: ഇഡി ഉദ്യോ​ഗസ്ഥരെ ആക്രമിച്ച കേസിൽ പ്രതിക്ക് വേണ്ടി പ്രോസിക്യൂട്ടർ വാദിച്ച സംഭവത്തിൽ ഫയലുകൾ പരിശോധിക്കാൻ ഒരുങ്ങി ഡയറക്ടർ ജനറൽ ഓഫ് പ്രോസിക്യൂഷൻ. ഇതിനായി മ്യൂസിയം എസ്എച്ച്ഒ ഇന്ന് പ്രോസികുഷൻ ഡിജിയുടെ  കൊച്ചിയിലെ ഓഫീസിൽ എത്തി. ഡിജിപി ആസഫലി കേസ് ഡയറി ഉൾപ്പെടെ പരിശോധിക്കും. ഉദ്യോ​ഗസ്ഥരെ ആക്രമിച്ച കേസിലെ ഒമ്പതാം പ്രതി ഹരീഷ് കുമാറിന്റ ജാമ്യം റദ്ദാക്കാൻ ഇഡി നാളെ ഹൈകോടതിയിൽ അപ്പീൽ നൽകും. ജാമ്യം റദ്ദാക്കാൻ സെഷൻസ് കോടതിയെ തന്നെ സമീപിക്കാൻ ആയിരുന്നു ആദ്യ തീരുമാനം. എന്നാൽ പ്രോസിക്യൂട്ടർ ഗീന കുമാരി തന്നെ ഹാജരാകും എന്നതിനാൽ ഇഡി തീരുമാനം മാറ്റി.

അതെസമയം ഗീനാകുമാരിയെ പ്രോസിക്യൂട്ടർ സ്ഥാനത്ത് നിന്ന് മാറ്റാനുള്ള നടപടികൾ സർക്കാർ തുടങ്ങി. ഗീനാകുമാരിയെ മാറ്റണമെന്ന് കമ്മീഷണർ തന്നെ ഡിജിപിയോട് ആവശ്യപ്പെട്ടിരുന്നു.