ആഹാ സന്തോഷ വാർത്ത, മാര്ച്ച് മാസം വൈദ്യുതി ബില് വീണ്ടും കുറയും, ഉപഭോക്താക്കൾ ആശ്വാസ അറിയിപ്പുമായി മന്ത്രി
Synopsis
ദീര്ഘകാലമായി 19 പൈസയായിരുന്ന ഇന്ധന സര്ചാര്ജ്. ഫെബ്രുവരി മാസം 9 പൈസ കുറഞ്ഞ് 10 പൈസയില് എത്തിയത് ഉപഭോക്താക്കള്ക്ക് ആശ്വാസമായിരുന്നു.
തിരുവനന്തപുരം: മാർച്ച് മാസം വൈദ്യുതി ബിൽ വീണ്ടും കുറയുമെന്ന് മന്ത്രി കെ കൃഷ്ണൻകുട്ടി. ഇന്ധന സര്ചാര്ജിന്റെ നിരക്ക് കുറയുന്നതിലൂടെയാണ് ഉപഭോക്താക്കള്ക്ക് ബില്ലില് ആശ്വാസം ലഭിക്കുകയെന്ന് മന്ത്രി ഫേസ്ബുക്ക് കുറിപ്പിൽ അറിയിച്ചു. പ്രതിമാസം ബില് ലഭിക്കുന്ന ഉപഭോക്താക്കള്ക്ക് ഓരോ യൂണിറ്റിനും ഇന്ധന സര്ചാര്ജ് 6 പൈസയും രണ്ടുമാസത്തിലൊരിക്കല് ബില് ലഭിക്കുന്ന ഉപഭോക്താക്കള്ക്ക് 8 പൈസയുമായിരിക്കും മാര്ച്ച് മാസത്തിലെ ഇന്ധന സർചാർജ്.
ദീര്ഘകാലമായി 19 പൈസയായിരുന്ന ഇന്ധന സര്ചാര്ജ്. ഫെബ്രുവരി മാസം 9 പൈസ കുറഞ്ഞ് 10 പൈസയില് എത്തിയത് ഉപഭോക്താക്കള്ക്ക് ആശ്വാസമായിരുന്നു. ഈ സര്ചാര്ജ് ആണ് മാര്ച്ച് മാസത്തില് വീണ്ടും കുറയുന്നതെന്നും മന്ത്രി അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam