ദുരിതാശ്വാസ ക്യാമ്പുകളിലേക്ക് മൂന്ന് ലോഡുകളുമായി ജിഎന്പിസി; സ്വന്തം ലോഡുമായി ടോവീനോ
Synopsis
ഗ്രൂപ്പ് അഡ്മിന് അജിത്ത്, നടന്മാ ജോജു ജോര്ജ് എന്നിവരുടെ നേതൃത്വത്തിലാണ് സാധനങ്ങള് എത്തിച്ചത്. നടന് ടൊവീനോ തോമസ് സ്വന്തം നിലയില് സാധനങ്ങള് എത്തിച്ചു.
നിലമ്പൂര്: ഉരുള്പൊട്ടലില് വിറങ്ങലിച്ച നിലമ്പൂരിലേയും വയനാട്ടിലേയും ദുരിതാശ്വാസ ക്യാമ്പുകളിലേക്കും നിലക്കാതെ സഹായം. ഫേസ്ബുക്ക് കൂട്ടായ്മയായ ജിഎന്പിസി (ഗ്ലാസിലെ നുരയും പ്ലേറ്റിലെ കറിയും) മൂന്ന് ലോഡ് അവശ്യ സാധനങ്ങള് നിലമ്പൂരിലെത്തിച്ചു. ഗ്രൂപ്പ് അഡ്മിന് അജിത്ത്, നടന് ജോജു ജോര്ജ് എന്നിവരുടെ നേതൃത്വത്തിലാണ് സാധനങ്ങള് എത്തിച്ചത്.
നടന് ടൊവീനോ തോമസ് സ്വന്തം നിലയില് സാധനങ്ങള് എത്തിച്ചു. സംവിധായകന് മുഹ്സിന് പരാരിയുടെ നേതൃത്വത്തിലുള്ള സംഘം വീടുകള് വൃത്തിയാക്കാന് മുന്നിട്ടിറങ്ങി. ഭക്ഷണസാമഗ്രികളും വസ്ത്രങ്ങളും മരുന്നുകളും നിറച്ച മൂന്ന ലോഡുകളാണ് ജിഎന്പിസി ഗ്രൂപ്പ് അംഗങ്ങള് ദുരിതബാധിതര്ക്കായി സമാഹരിച്ച് എത്തിക്കുന്നത്.
കൊച്ചിയിലും കോട്ടയത്തും ഒരുക്കിയ കളക്ഷന് സെന്ററുകള് ജിഎന്പിസി സാധനങ്ങള് ശേഖരിച്ചത്. വിവിധി ജില്ലകളില്നിന്ന് സഹായം ലഭിച്ചു. വിഭവസമാഹരണത്തിന് ജോജു ജോര്ജും നടന് ബിനീഷ് ബാസ്റ്റിനും നേതൃത്വം നല്കി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam