Governor Letter: ഗവര്ണറുടെ കത്ത്; മുഖ്യമന്ത്രി നിലപാട് വ്യക്തമാക്കണമെന്ന് ഉമ്മന് ചാണ്ടി
Synopsis
വൈസ് ചാന്സലറെ നിയമിക്കാനുള്ള സെര്ച്ച് കമ്മിറ്റി പിരിച്ചുവിട്ട് ചട്ടവിരുദ്ധമായി കണ്ണൂര് വിസിക്ക് പുനര്നിയമനം നല്കാന് സര്ക്കാര് ഗവര്ണര്ക്ക് ശുപാര്ശ നല്കിയത് ഏതു സാഹചര്യത്തിലാണെന്നു വ്യക്തമാക്കാന് മുഖ്യമന്ത്രിക്ക് ബാധ്യതയുണ്ട്. കണ്ണൂരിനു പുറമെ കാലടി സര്വകലാശാലയിലും കലാമണ്ഡലത്തിലും നിയമവിരുദ്ധമായ തീരുമാനമെടുക്കാന് സര്ക്കാര് നിര്ബന്ധിച്ചെന്ന ഗവര്ണറുടെ വെളിപ്പെടുത്തല് അതീവഗുരുതരമാണെന്നു ഉമ്മന് ചാണ്ടി ചൂണ്ടിക്കാട്ടി.
തിരുവനന്തപുരം: സര്ക്കാരിന്റെ സമ്മര്ദങ്ങള്ക്കു വഴങ്ങിയാണ് കണ്ണൂര് വൈസ് ചാന്സലറുടെ (Kannur V C) പുനര്നിയമനത്തില് താന് തീരുമാനമെടുത്തതെന്ന ഗവര്ണറുടെ വെളിപ്പെടുത്തല് സംബന്ധിച്ച് മുഖ്യമന്ത്രി (CM Pinarayi Vijayan) നിലപാട് വ്യക്തമാക്കണമെന്നു മുന്മുഖ്യമന്ത്രി ഉമ്മന് ചാണ്ടി (OOmmen Chandy). സംസ്ഥാനത്തിന്റെ ചരിത്രത്തില് ഇതാദ്യമായാണ് ഭരണത്തലവനായ ഗവര്ണര് മുഖ്യമന്ത്രിക്ക് ഇത്തരമൊരു കത്തെഴുതിയതെന്ന് ഉമ്മന് ചാണ്ടി പറഞ്ഞു.
വൈസ് ചാന്സലറെ നിയമിക്കാനുള്ള സെര്ച്ച് കമ്മിറ്റി പിരിച്ചുവിട്ട് ചട്ടവിരുദ്ധമായി കണ്ണൂര് വിസിക്ക് പുനര്നിയമനം നല്കാന് സര്ക്കാര് ഗവര്ണര്ക്ക് ശുപാര്ശ നല്കിയത് ഏതു സാഹചര്യത്തിലാണെന്നു വ്യക്തമാക്കാന് മുഖ്യമന്ത്രിക്ക് ബാധ്യതയുണ്ട്. കണ്ണൂരിനു പുറമെ കാലടി സര്വകലാശാലയിലും കലാമണ്ഡലത്തിലും നിയമവിരുദ്ധമായ തീരുമാനമെടുക്കാന് സര്ക്കാര് നിര്ബന്ധിച്ചെന്ന ഗവര്ണറുടെ വെളിപ്പെടുത്തല് അതീവഗുരുതരമാണെന്നു ഉമ്മന് ചാണ്ടി ചൂണ്ടിക്കാട്ടി.
ഗവർണറുടെ കത്ത് ഗൗരവമുള്ളത്, മന്ത്രി രാജിവെക്കണം: രമേശ് ചെന്നിത്തല
ഗവർണർ ആരിഫ് മുഹമ്മദ് ഖാൻ മുഖ്യമന്ത്രി പിണറായി വിജയന് നൽകിയ കത്ത് അതീവ ഗൗരവമുള്ളതാണെന്ന് മുൻ പ്രതിപക്ഷനേതാവ് രമേശ് ചെന്നിത്തല പറഞ്ഞു. കണ്ണൂർ വിസിയുടെ നിയമനത്തിൽ ഗവർണർ സൂചിപ്പിക്കുന്ന കാര്യങ്ങൾ ഞെട്ടിപ്പിക്കുന്നതാണ്. ഉന്നതവിദ്യാഭ്യാസ മന്ത്രി ആർ ബിന്ദു അഴിമതിയും സ്വജനപക്ഷപാതവും കാണിച്ചു. വിഷയത്തിൽ ലോകായുക്തയെ സമീപിക്കുമെന്നും രമേശ് ചെന്നിത്തല പറഞ്ഞു.
കഴിഞ്ഞകാലങ്ങളിൽ പ്രതിപക്ഷം ഉന്നയിച്ച കാര്യങ്ങൾ സത്യമെന്ന് തെളിഞ്ഞിരിക്കുകയാണ്. കെ ടി ജലീൽ വിദ്യാഭ്യാസ മന്ത്രിയായിരുന്നപ്പോൾ ഉന്നയിച്ച വസ്തുതകൾ പ്രതിപക്ഷ ജല്പനങ്ങൾ എന്ന് ആരോപിച്ചു സർക്കാർ തള്ളിക്കളഞ്ഞു. ഇപ്പോൾ നിയമവിരുദ്ധമായി ഒപ്പിടാൻ താൻ നിർബന്ധിക്കപ്പെട്ടു എന്ന് ഗവർണർ പറയുന്നു. (കൂടുതൽ വായിക്കാം..)
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam