മന്ത്രി അശാസ്ത്രീയമായ കാര്യങ്ങള് പ്രചരിപ്പിക്കരുതെന്നും ആരോഗ്യപ്രവര്ത്തകരെ അവഹേളിക്കരുതെന്നും ഐഎംഎ
തിരുവനന്തപുരം: ഹോമിയോ മരുന്ന് കൊവിഡ് പ്രതിരോധത്തിന് നല്ലതെന്ന ആരോഗ്യമന്ത്രി കെ കെ ശൈലജയുടെ പ്രസ്താവനയ്ക്ക് എതിരെ ഐഎംഎ. മന്ത്രി അശാസ്ത്രീയമായ കാര്യങ്ങള് പ്രചരിപ്പിക്കരുതെന്നും ആരോഗ്യപ്രവര്ത്തകരെ അവഹേളിക്കരുതെന്നും ഐഎംഎ ആവശ്യപ്പെട്ടു. ഹോമിയോ മരുന്നിന്റെ ഫലപ്രാപ്തിയെക്കുറിച്ച് നടത്തിയ പഠനം ചൂണ്ടിയായിരുന്നു മരുന്ന് കൊവിഡ് പ്രതിരോധത്തിന് നല്ലതെന്ന മന്ത്രിയുടെ പ്രതികരണം.
ഹോമിയോ പ്രതിരോധമരുന്ന് കഴിച്ചവരില് കുറച്ച് പേര് മാത്രമേ വൈറസ് ബാധിതരായിട്ടുള്ളു. കൂടാതെ രോഗബാധിതരായവര്ക്ക് രോഗം വളരെ വേഗം ഭേദപ്പെട്ടെന്നും മന്ത്രി പറഞ്ഞിരുന്നു. എന്നാല് ഐസിഎംആര് മാര്ഗനിര്ദേശങ്ങള് ഉള്ളതിനാല് സംസ്ഥാനത്ത് ഹോമിയോ മരുന്ന് കൊവിഡ് പ്രതിരോധത്തന് ഉപയോഗിക്കാന് കഴിയില്ലെന്നും മന്ത്രി പറഞ്ഞിരുന്നു. ഇതിന് പിന്നാലെയാണ് ആരോഗ്യമന്ത്രിക്കെതിരെ ഐഎംഎ രൂക്ഷ വിമര്ശനം നടത്തിയിരിക്കുന്നത്.