ബ്രാഹ്മണരുടെ കാല്കഴിച്ചൂട്ട് വഴിപാട്; അടിയന്തിര റിപ്പോര്ട്ട് തേടി ദേവസ്വംമന്ത്രി
Synopsis
പ്രാകൃതമായ ആചാരങ്ങള് ഒഴിവാക്കുന്നതിനാവശ്യമായ നടപടികള് സ്വീകരിക്കാനും മന്ത്രി കര്ശന നിര്ദ്ദേശം നല്കി.
തിരുവനന്തപുരം: തൃപ്പൂണിത്തുറ ശ്രീ പൂര്ണത്രയീശ ക്ഷേത്രത്തില് ബ്രാഹ്മണരുടെ കാല്കഴിച്ചൂട്ട് വഴിപാട് നടത്തുന്നുണ്ടെന്ന വാര്ത്തയില് ദേവസ്വം മന്ത്രി കെ രാധാകൃഷ്ണന് (K Radhakrishnan) അടിയന്തിര റിപ്പോര്ട്ട് തേടി. കൊച്ചിന് ദേവസ്വം ബോര്ഡ് പ്രസിഡന്റ് വി നന്ദകുമാറുമായി മന്ത്രി ഫോണില് സംസാരിച്ചു. പ്രാകൃതമായ ആചാരങ്ങള് ഒഴിവാക്കുന്നതിനാവശ്യമായ നടപടികള് സ്വീകരിക്കാനും മന്ത്രി കര്ശന നിര്ദ്ദേശം നല്കി. മറ്റ് ദേവസ്വം ബോര്ഡുകള്ക്ക് കീഴിലുള്ള ക്ഷേത്രങ്ങളിലും ഇത്തരത്തിൽ പരിഷ്കൃത സമൂഹത്തിന് ഒരിക്കലും അംഗീകരിക്കാനാവാത്ത പ്രാകൃതമായ അനാചാരങ്ങൾ ഒഴിവാക്കാൻ നടപടിയെടുക്കുമെന്നും മന്ത്രി അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam