ഇന്ന് കേരളപ്പിറവി; സംസ്ഥാനമാകെ ആഘോഷം
Synopsis
ആഘോഷത്തിന്റെ ഭാഗമായി സംസ്ഥാനത്ത് ഇന്ന് വിവിധപരിപാടികള് സംഘടിപ്പിച്ചിട്ടുണ്ട്. ഗവര്ണര് ആരിഫ് മുഹമ്മദ് ഖാന് മുഖ്യമന്ത്രി പിണറായി വിജയന് എന്നിവര് ആശംസകള് നേര്ന്നു.
തിരുവനന്തപുരം: ഇന്ന് കേരളപിറവി. ഐക്യകേരളം രൂപീകൃതമായിട്ട് ഇന്ന് 65 വര്ഷമായി. ഭാഷാടിസ്ഥാനത്തില് സംസ്ഥാനം രൂപീകരിക്കുന്നതിന്റെ ഭാഗമായി 1956 നവംബര് ഒന്നിനാണ് തിരുകൊച്ചിയും മലബാറും ചേര്ന്ന് കേരളം രൂപം കൊണ്ടത്. ആഘോഷത്തിന്റെ ഭാഗമായി സംസ്ഥാനത്ത് ഇന്ന് വിവിധപരിപാടികള് സംഘടിപ്പിച്ചിട്ടുണ്ട്. ഗവര്ണര് ആരിഫ് മുഹമ്മദ് ഖാന് മുഖ്യമന്ത്രി പിണറായി വിജയന് എന്നിവര് ആശംസകള് നേര്ന്നു.
ഐക്യമലയാളപ്രസ്ഥാനത്തിന്റെത് ഉള്പ്പടെ വിവിധസന്നദ്ധസംഘടനകളും പരിപാടികള് സംഘടിപ്പിച്ചിട്ടുണ്ട്. സംസ്കാരികവകുപ്പിന്റെ സമം പരിപാടിയുടെ ഭാഗമായി നിയമസഭയിലും ലോക്സഭയിലും അംഗങ്ങളായ വനിതകളെ ഇന്ന് ആദരിക്കും.
നരേന്ദ്രമോദി കേരളപിറവി ദിനത്തില് മലയാളികള്ക്ക് ആശംസ നേര്ന്നു. കേരളത്തിലെ ജനങ്ങള്ക്ക് കേരളപ്പിറവി ദിനാശംസകള്. മനോഹരമായ പ്രകൃതിഭംഗിയും അവിടുത്തെ ജനങ്ങളുടെ അധ്വാനശീലത്തിനും കേരളം ലോകത്താകമാനം പ്രശംസിക്കപ്പെടുന്നു. കേരളത്തിലെ ജനങ്ങള് അവരുടെ വിവിധ മേഖലകളില് വിജയം കൈവരിക്കട്ടെയെന്ന് പ്രധാനമന്ത്രി ട്വീറ്റ് ചെയ്തു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam