തിരുവനന്തപുരം വിമാനത്താവളത്തിന്റെ സ്വകാര്യവത്കരണം: സര്ക്കാര് സുപ്രീംകോടതിയെ സമീപിച്ചു
Synopsis
കേന്ദ്രസര്ക്കാര് തീരുമാനത്തിനെതിരെ നേരത്തെ സംസ്ഥാന സര്ക്കാര് നല്കിയ ഹര്ജി കേരള ഹൈക്കോടതി നേരത്തെ തള്ളിയിരുന്നു.
ദില്ലി: തിരുവനന്തപുരം അന്താരാഷ്ട്ര വിമാനത്താവളം സ്വകാര്യവത്കരിക്കാനുള്ള കേന്ദ്രസര്ക്കാര് നീക്കത്തിനെതിരെ കേരള സര്ക്കാര് സുപ്രീംകോടതിയെ സമീപിച്ചു. വിമാനത്താവളത്തിന്റെ നടത്തിപ്പ് അദാനിക്ക് നല്കാനുള്ള തീരുമാനം ചോദ്യം ചെയ്ത് സംസ്ഥാന സര്ക്കാര് സുപ്രീംകോടതിയില് ഹര്ജി സമര്പ്പിച്ചു. കേന്ദ്രസര്ക്കാര് തീരുമാനത്തിനെതിരെ നേരത്തെ സംസ്ഥാന സര്ക്കാര് നല്കിയ ഹര്ജി കേരള ഹൈക്കോടതി നേരത്തെ തള്ളിയിരുന്നു.
കേസിലെ റിട്ട് ഹർജി തള്ളിയ ഹൈക്കോടതി വിധി റദ്ദാക്കണമെന്ന് സംസ്ഥാന സർക്കാർ സുപ്രീംകോടതിയില് സമര്പ്പിച്ച ഹര്ജിയില് ആവശ്യപ്പെടുന്നു. സ്യൂട്ട് ഹർജി നൽകാതെ റിട്ട് ഹർജി നൽകിയെന്ന് ചൂണ്ടിക്കാട്ടിയാണ് സംസ്ഥാന സര്ക്കാരിന്റെ ഹര്ജി ഹൈക്കോടതി തള്ളിയത്. ഹൈക്കോടതിയുടെ വിധി തെറ്റാണെന്ന് സുപ്രീംകോടതിയിൽ നൽകിയ ഹർജിയിൽ സർക്കാർ പറയുന്നു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam