കേരള ഹൈക്കോടതിയിലേക്ക് അഞ്ച് പുതിയ ജഡ്ജിമാര്, നിയമനത്തിന് സുപ്രീം കോടതി കൊളീജിയം ശുപാർശ
Synopsis
ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസ് മാരായ സഞ്ജയ് കിഷൻ കൗൾ, സഞ്ജീവ് ഖന്ന എന്നിവർ അടങ്ങിയ സുപ്രീം കോടതി കൊളീജിയത്തിന്റേതാണ് ശുപാർശ
ദില്ലി: കേരള ഹൈക്കോടതി ജഡ്ജിമാരായി അഞ്ച് ജുഡീഷ്യൽ ഓഫീസർമാരെ നിയമിക്കാൻ സുപ്രീം കോടതി കൊളീജിയം ശുപാർശ ചെയ്തു. കൊല്ലം പ്രിന്സിപ്പല് ജില്ലാ സെഷന്സ് ജഡ്ജ് എം. ബി സ്നേഹലത ഉൾപ്പടെ അഞ്ച് പേരെ നിയമിക്കാനാണ് ശുപാർശ.എം.ബി സ്നേഹലതയ്ക്ക് പുറമെ ജോണ്സണ് ജോണ് (പ്രിന്സിപ്പല് ജില്ലാ സെഷന്സ് ജഡ്ജ്, കല്പ്പറ്റ), ജി. ഗിരീഷ് (പ്രിന്സിപ്പല് ജില്ലാ സെഷന്സ് ജഡ്ജ്, തൃശൂർ), സി. പ്രതീപ്കുമാര് (അഡീഷണല് ജില്ലാ സെഷന്സ് ജഡ്ജ്, എറണാകുളം), പി. കൃഷ്ണകുമാര് (രജിസ്ട്രാര് ജനറല്, ഹൈക്കോടതി) എന്നിവരെയും ഹൈക്കോടതി ജഡ്ജിമാരാക്കാൻ സുപ്രീം കോടതി കൊളീജിയം ശുപാർശ ചെയ്തു. ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസ് മാരായ സഞ്ജയ് കിഷൻ കൗൾ, സഞ്ജീവ് ഖന്ന എന്നിവർ അടങ്ങിയ സുപ്രീം കോടതി കൊളീജിയത്തിന്റേതാണ് ശുപാർശ