ഇനി ട്രിപ്പിള് ലോക്ക്; 'ലൈസന്സ് റദ്ദാക്കും, ഇന്ഷുറന്സ് പരിരക്ഷയുമില്ല'; എംവിഡി മുന്നറിയിപ്പ്
Synopsis
'വാഹനത്തില് മൂന്നുപേര് കയറിയ ട്രിപ്പിള് റൈഡിംഗ് സര്ക്കസ് നിത്യകാഴ്ചയാണ്. ഇത് അത്യന്തം അപകടകരമാണ്..'
തിരുവനന്തപുരം: ഇരുചക്രവാഹനങ്ങളില് രണ്ടില് കൂടുതല് പേര് യാത്ര ചെയ്യുന്നത് ശ്രദ്ധയില്പ്പെട്ടാല്, ഡ്രൈവറുടെ ലൈസന്സ് റദ്ദാക്കുന്നത് അടക്കമുള്ള കര്ശന നടപടികള് നേരിടേണ്ടി വരുമെന്ന് മോട്ടോര് വാഹന വകുപ്പിന്റെ അറിയിപ്പ്. ഇരുചക്രവാഹനങ്ങളില് ഡ്രൈവര്ക്കൊപ്പം ഒരാളെ മാത്രമേ നിയമപരമായി അനുവദിച്ചിട്ടുള്ളു. പക്ഷെ വാഹനത്തില് മൂന്നുപേര് കയറിയ ട്രിപ്പിള് റൈഡിംഗ് സര്ക്കസ് നിത്യകാഴ്ചയാണ്. ഇത് അത്യന്തം അപകടകരമാണ്. അടിയന്തിരഘട്ടത്തില് കൈത്താങ്ങ് ആകേണ്ട ഇന്ഷുറന്സ് പരിരക്ഷ നിഷേധിക്കപ്പെടാനും ഇത് കാരണമാകാമെന്ന് എംവിഡി വ്യക്തമാക്കി.
എംവിഡി കുറിപ്പ്: ട്രിപ്പിള് ട്രിപ്പ് ട്രബിളാണ് ചങ്ങായി. ഇരുചക്രവാഹനങ്ങളില് ഓടിക്കുന്ന വ്യക്തി തന്നെ ഒട്ടും സുരക്ഷിതനല്ല. നമ്മുടെ പ്രത്യേക സാഹചര്യത്തില് ഇരുചക്രവാഹനങ്ങളില് ഡ്രൈവര്ക്കൊപ്പം പരമാവധി ഒരു റൈഡറെക്കൂടി മാത്രമേ നിയമപരമായി അനുവദിച്ചിട്ടുള്ളു. പക്ഷെ ഈ രണ്ട് സീറ്റ് വാഹനത്തില് മൂന്നുപേര് കയറിയ ട്രിപ്പിള് റൈഡിംഗ് സര്ക്കസ്സ് അഥവാ സാഹസം നമ്മുടെ റോഡുകളിലെ ഒരു നിത്യകാഴ്ചയാണ്. ചിലപ്പോഴൊക്കെ അതില് കൂടുതലും കാണാറുണ്ട്.
ഈ നിരോധിതശീലം അത്യന്തം അപകടകരമാണ്. അടിയന്തിരഘട്ടത്തില് കൈത്താങ്ങ് ആകേണ്ട ഇന്ഷുറന്സ് പരിരക്ഷ നിഷേധിക്കപ്പെടാനും കാരണമാകാം. അതിനാല് തന്നെ ഈ 'വീരകൃത്യം' ശിക്ഷാര്ഹവുമാണ്. ഇത്തരത്തില് 2 ല് കൂടുതല് പേര് ഒരു ഇരുചക്രവാഹനത്തില് യാത്ര ചെയ്യുന്നത് ശ്രദ്ധയില്പ്പെട്ടാല്, ഡ്രൈവറുടെ ലൈസന്സ് റദ്ദാക്കുന്നതുള്പ്പെടേയുള്ള കര്ശന നടപടികള് നേരിടേണ്ടിവരും. ട്രിപ്പിള് ട്രിപ്പുകള് ഒരു പക്ഷെ നിയമനടപടികള് നേരിടാന് പോലും അവശേഷിക്കാതെയാകും അവസാനിക്കുക. ദയവായി ഇരുചക്ര വാഹനങ്ങളില് ഒരു തരത്തിലുമുള്ള സാഹസങ്ങള്ക്ക് മുതിരാതിരിക്കുക.
'ഇതാണാ രേഖ, കണ്ടാലും'; വാഹനം തടഞ്ഞവരോട് എംവിഡി
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam