'അവര്ക്ക് കോണ്ഗ്രസുമായി ബന്ധമില്ല', പാര്ട്ടി നിലപാട് ഔദ്യോഗിക പ്രൊഫൈലുകളിലേത് മാത്രം: കെ സുധാകരന്
Synopsis
പൊതുസമൂഹത്തില് പാര്ട്ടിയുടെ പ്രതിച്ഛായ തകര്ക്കാനായി സ്ഥാപിത താല്പര്യക്കാര് ചെയ്യുന്ന പ്രവര്ത്തനങ്ങളില് പാര്ട്ടി പ്രവര്ത്തകര് വഞ്ചിതരാകരുതെന്ന് സുധാകരന് പറഞ്ഞു.
തിരുവനന്തപുരം: 'കോണ്ഗ്രസ്സ് സൈബര് ടീം' പോലുള്ള ഫേസ്ബുക്ക് പേജുകള്ക്ക് കോണ്ഗ്രസ് പാര്ട്ടിയുമായി ഒരു ബന്ധവുമില്ലെന്ന് കെപിസിസി അധ്യക്ഷന് കെ സുധാകരന്. കോണ്ഗ്രസിന്റെ സമുന്നത നേതാക്കളെ വ്യക്തിഹത്യ ചെയ്തും അപമാനിച്ചും 'കോണ്ഗ്രസ്സ് സൈബര് ടീം' തുടങ്ങിയ പല പേരുകളിലായി വിവിധ പേജുകള് സമൂഹമാധ്യമങ്ങളില് പ്രത്യക്ഷപ്പെടുന്നതായി ശ്രദ്ധയില് പെട്ടിട്ടുണ്ട്. ഇത്തരം പേജുകള്ക്ക് കോണ്ഗ്രസ്സ് പാര്ട്ടിയുമായോ, പാര്ട്ടിയുടെ പ്രഖ്യാപിത നയങ്ങളുമായോ ഒരു ബന്ധവുമില്ലെന്നും കെപിസിസി പ്രസിഡന്റ് കെ സുധാകരന് എംപി.
പാര്ട്ടിയുടെ ഔദ്യോഗിക പ്രൊഫൈലുകളില് നിന്ന് വരുന്നവ മാത്രമാണ് പാര്ട്ടി നിലപാട്. പൊതു സമൂഹത്തില് പാര്ട്ടിയുടെ പ്രതിച്ഛായ തകര്ക്കാനായി സ്ഥാപിത താല്പര്യക്കാര് ചെയ്യുന്ന പ്രവര്ത്തനങ്ങളില് പാര്ട്ടി പ്രവര്ത്തകര് വഞ്ചിതരാകരുതെന്നും സുധാകരന് പറഞ്ഞു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam