നാല് ജില്ലകളിൽ ഭാഗിക വൈദ്യുതി നിയന്ത്രണം ഉണ്ടാകുമെന്ന് കെഎസ്ഇബി, മെയ് 25 വരെ കോഴിക്കോട് സബ്സ്റ്റേഷനിൽ അറ്റകുറ്റപണി
Synopsis
കോഴിക്കോട് പവർഗ്രിഡ് സബ്സ്റ്റേഷനിലെ ട്രാൻസ്ഫോർമർ തകരാർ പരിഹരിക്കുന്നതിനുള്ള അറ്റകുറ്റപ്പണികൾ നീട്ടിയതിനാൽ കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിൽ ഭാഗികമായി വൈദ്യുതി നിയന്ത്രണത്തിന് സാധ്യതയുണ്ടെന്ന് കെ.എസ്.ഇ.ബി അറിയിച്ചു.
കോഴിക്കോട്: കോഴിക്കോട്, വയനാട്, കണ്ണൂര്, കാസറഗോഡ് ജില്ലകളില് ഭാഗീകമായി വൈദ്യുതി തടസ്സപ്പെടാന് സാധ്യതയുണ്ടെന്ന് കെ എസ് ഇ.ബി അറിയിച്ചു. പവര്ഗ്രിഡ് കോര്പ്പറേഷന്റെ കോഴിക്കോട് 400 കെവി സബ്സ്റ്റേഷനിലെ മൂന്നാമത് നമ്പര് 500 എം വി എ ട്രാന്സ്ഫോര്മറിന്റെ 220 കെ വി ബുഷിംഗില് തകരാര് സംഭവിച്ചിരുന്നു.
ഈ ട്രാന്സ്ഫോര്മറിന്റെ അറ്റകുറ്റപണികള്ക്ക് 12.05.2026 മുതൽ ഒരാഴ്ചക്കാലം വേണ്ടിവരുമെന്ന് പവര്ഗ്രിഡ് കോര്പ്പറേഷന് (PGCIL) അറിയിച്ച സാഹചര്യത്തില് കോഴിക്കോട്, വയനാട്, കണ്ണൂര്, കാസറഗോഡ് ജില്ലകളില് മേല് ദിവസങ്ങളില് ഭാഗീകമായി വൈദ്യുതി നിയന്ത്രണം വേണ്ടിവരുമെന്ന് കെ.എസ്.ഇ.ബി.എല് അറിയിച്ചിരുന്നു.
എന്നാല് അറ്റകുറ്റപണികള് തീര്ക്കാനുള്ള ജോലികള് പൂര്ത്തിയാക്കുന്നതിന് 2026 മെയ് 25 വരെ സമയം ആവശ്യമായി വരുമെന്ന് പവര്ഗ്രിഡ് കോര്പ്പറേഷന് ഇപ്പോള് അറിയിച്ച സാഹചര്യത്തില് 2026 മെയ് 25 വരെ കോഴിക്കോട്, വയനാട്, കണ്ണൂര്, കാസറഗോഡ് എന്നീ ജില്ലകളില് ഭാഗീകമായി വൈദ്യുതി നിയന്ത്രണത്തിന് സാധ്യതയുള്ളതായി കെ.എസ്.ഇ.ബി.എല് അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam