കെഎസ്ആർടിസി ശമ്പള വിതരണം: ഈ മാസം 15 വരെ സമരമില്ലെന്ന് സിഐടിയു, മന്ത്രിയുമായി ചർച്ച 18 നും നടത്തും

സമരം ചർച്ചയുടെ അടിസ്ഥാനത്തിൽ മാറ്റിയതല്ലെന്നും ഈ മാസം 15 വരെ സമരമില്ലെന്നും കെഎസ്ആർടിഇഎ ജനറൽ സെക്രട്ടറി

തിരുവനന്തപുരം: കെഎസ്ആർടിസി ചർച്ച പ്രയോജന പ്രദമെന്ന് സിഐടിയു നേതാക്കൾ. ശമ്പളം ഘട്ടം ഘട്ടമായി വിതരണം ചെയ്യുന്നതുമായി ബന്ധപ്പെട്ട് ഇന്ന് കെഎസ്ആർടിസിയുടെ ചുമതലയുള്ള ഗതാഗത മന്ത്രി ആന്റണി രാജുവും സിഐടിയു നേതാക്കളും തമ്മിലായിരുന്നു ചർച്ച. തത്കാലം സമരം ചെയ്യില്ല. ഈ മാസം 18 ന് വിഷയത്തിൽ ഇരുവിഭാഗവും തമ്മിൽ വീണ്ടും ചർച്ച നടത്തും. ഈ മാസം 14, 15 തീയതികളിൽ സിഐടിയു നേതാക്കൾ യോഗം ചേരും. സമരം ചർച്ചയുടെ അടിസ്ഥാനത്തിൽ മാറ്റിയതല്ലെന്നും ഈ മാസം 15 വരെ സമരമില്ലെന്നും കെഎസ്ആർടിഇഎ ജനറൽ സെക്രട്ടറി എസ് വിനോദ് അറിയിച്ചു.