തെരഞ്ഞെടുപ്പിൽ വ്യക്തി ബന്ധങ്ങളില്ല,രാഷ്ട്രീയം മാത്രം: തൃക്കാക്കരയിൽ നിലപാടറിയിച്ച് കെ.വി.തോമസ്

പി.ടി.തോമസുമായി അടുത്ത ബന്ധം പുല‍ര്‍ത്തിയ നേതാവാണ് കെ.വി.തോമസെന്നും തനിക്കെതിരെ അദ്ദേഹത്തിന് പ്രവ‍ര്‍ത്തിക്കാൻ സാധിക്കില്ലെന്നും നേരത്തെ ഉമാ തോമസ് പറഞ്ഞിരുന്നു. 

കൊച്ചി: തൃക്കാക്കര ഉപതെരഞ്ഞെടുപ്പിൽ തൻ്റെ പിന്തുണ ഏത് മുന്നണിക്കാണെന്നറിയാൻ അല്പം കൂടി കാത്തിരിക്കണമെന്ന് മുതി‍ര്‍ന്ന കോണ്‍ഗ്രസ് നേതാവ് കെ.വി.തോമസ്. തെരഞ്ഞെടുപ്പ് രംഗത്ത് വ്യക്തിബന്ധങ്ങളില്ലെന്നും ഉള്ളത് രാഷ്ട്രീയം മാത്രമാണെന്നും തൃക്കാക്കര നിയമസഭാ തെരഞ്ഞെടുപ്പിൽ ഉമാ തോമസ് സ്ഥാനാ‍ര്‍ത്ഥിയായി പ്രഖ്യാപിക്കപ്പെട്ട സാഹചര്യത്തിൽ കെ.വി.തോമസ് പറഞ്ഞു. പി.ടി.തോമസുമായി അടുത്ത ബന്ധം പുല‍ര്‍ത്തിയ നേതാവാണ് കെ.വി.തോമസെന്നും തനിക്കെതിരെ അദ്ദേഹത്തിന് പ്രവ‍ര്‍ത്തിക്കാൻ സാധിക്കില്ലെന്നും നേരത്തെ ഉമാ തോമസ് പറഞ്ഞിരുന്നു.