ലോക്ക് ഡൗണിൽ കുടുങ്ങി ജീവിതങ്ങൾ; ചികിത്സക്കായി കൊച്ചിയിലെത്തിയ ലക്ഷദ്വീപുകാർക്ക് മടങ്ങാനായില്ല

ഒരു മാസം മാത്രം പ്രായമായ മകളുടെ കുഞ്ഞിനെയും കൊണ്ട് വാടക വീട്ടിൽ കഴിച്ച് കൂട്ടുകയാണ് ലക്ഷദ്വീപിലെ അഗത്തി ദ്വീപ് ദ്വദേശിയായ ഹംസകോയ. 

കൊച്ചി: ലക്ഷദ്വീപിൽ നിന്ന് ചികിത്സക്കായി എത്തിയ നൂറുക്കണക്കിന് പേരാണ് ലോക്ക് ഡൗൺ വന്നതോടെ കൊച്ചിയിൽ കുടുങ്ങിയത്. ആശുപത്രി വിട്ട ശേഷവും വലിയ തുക വാടക നൽകി നഗരത്തിൽ കഴിയേണ്ടി വരുന്നതിന്‍റെ ബുദ്ധിമുട്ടിലാണ് ഇവർ. 

ഒരു മാസം മാത്രം പ്രായമായ മകളുടെ കുഞ്ഞിനെയും കൊണ്ട് വാടക വീട്ടിൽ കഴിച്ച് കൂട്ടുകയാണ് ലക്ഷദ്വീപിലെ അഗത്തി ദ്വീപ് സ്വദേശിയായ ഹംസകോയ. ലക്ഷദ്വീപിലെ പരിമിതമായ സൗകര്യങ്ങളിൽ നിന്ന് ചികിത്സക്ക് വേണ്ടി കൊച്ചിയിലെത്തിയ ഇവർ ലോക്ക് ഡൗൺ വരുത്തി വെച്ചത് ഇരട്ടി ദുരിതമാണ്. ലോക്ക് ഡൗൺ വന്നതോടെ കൊച്ചിയിൽ കുടുങ്ങിയിരിക്കുന്നവരിൽ ഏറെയും രോ​ഗികളാണെന്ന് ഹംസകോയ പറയുന്നു.