Malayalam News Live: പോക്സോ കേസ്: നടന്‍ ശ്രീജിത്ത് രവി റിമാന്‍റില്‍

കേരള ഫൈബർ ഒപ്റ്റിക് നെറ്റ് വർക്ക് ലിമിറ്റഡിന് (കെ - ഫോൺ) അടിസ്ഥാന സൗകര്യ സേവനങ്ങൾ നൽകുന്നതിനാവശ്യമായ ഇൻഫ്രാസ്ട്രക്ചർ പ്രൊവൈഡർ കാറ്റഗറി 1  ലൈസൻസ് അനുവദിച്ച്  കേന്ദ്ര ടെലി കമ്മ്യൂണിക്കേഷൻസ് വകുപ്പ്  ഉത്തരവിറക്കി. ഇതോടെ കേരളത്തിന്‍റെ അഭിമാന പദ്ധതിക്ക് പ്രവർത്തനാനുമതി ലഭിച്ചിരിക്കുകയാണ്. പദ്ധതിക്കുള്ള ഇന്‍റര്‍നെറ്റ് സർവീസ് പ്രൊവൈഡർ ലൈസൻസ് അധികം വൈകാതെ ലഭ്യമാവുമെന്നാണ് പ്രതീക്ഷിക്കപ്പെടുന്നത്.

ബ്രീട്ടീഷ് പ്രധാനമന്ത്രി  ബോറിസ് ജോൺസൺ രാജിവച്ചു.പുതിയ നേതാവിന് എല്ലാ പിന്തുണയും നൽകും.പുതിയ നേതാവിനെ തെരഞ്ഞെടുക്കുംവരെ കാവല്‍ പ്രധാനമന്ത്രിയായി തുടരും

പത്ത് ദിവസത്തിനകം കണക്ക് നൽകണം.ഇല്ലെങ്കിൽ അറിയിപ്പില്ലാതെ അഞ്ച് വർഷം അയോഗ്യനാക്കും.സംസ്ഥാന തെര.. കമ്മീഷണറുടേതാണ് ഉത്തരവ്.വീഴ്ച വരുത്തിയാൽ നിലവിലെ അംഗങ്ങൾക്ക് അംഗത്വവും നഷ്ടപ്പെടും

പരാതി ഉണ്ടെങ്കിൽ പാർട്ടി കോടതിയിൽ തീർക്കില്ല. സമൂഹ മാധ്യമങ്ങളിൽ പ്രചരിക്കുന്ന പരാതി സംഘടനക്ക് കിട്ടിയിട്ടില്ല.വിവേക് നായരെ പുറത്താക്കിയത്   വൈസ് പ്രസിഡണ്ട്‌ അടക്കം ഉള്ളവർക്ക് എതിരെ സഭ്യമല്ലാത്ത ഭാഷ ഉപയോഗിച്ചതിനെന്ന് ഫേസ് ബുക്ക് പോസ്റ്റില്‍ വിശദീകരണം

ഇ പി ജയരാജനെതിരെ പരാതി നല്‍കിയില്ലെന്ന മുഖ്യമന്ത്രിയുടെ വാദം പച്ചക്കള്ളമെന്ന് ഫർസീൻ മജീദ്. വലിയതുറ പൊലീസ് സ്റ്റേഷനിൽ ജൂൺ 24 ന് പരാതി നൽകിയിരുന്നു. നിയമസഭയെ കബളിപ്പിക്കുന്ന കള്ളമാണ് മുഖ്യമന്ത്രി പറഞ്ഞത്. മുഖ്യമന്ത്രി നിയമസഭയിൽ കള്ളം പറഞ്ഞതോടെ നീതി ലഭിക്കില്ലെന്ന് വ്യക്തമായി. വിമാനത്തിൽ ഇ പി ജയരാജൻ ആക്രമിച്ചതിന് വീഡിയോ തെളിവുണ്ട്. തെളിവ് സഹിതം കോടതിയെ സമീപിക്കുമെന്നും ഫർസീൻ മജീദ്. 

കുട്ടികള്‍ക്ക് നേരെ നഗ്നത പ്രദര്‍ശനം നടത്തിയ നടന്‍ ശ്രീജിത്ത് രവിക്ക് ജാമ്യമില്ല. 14 ദിവസത്തേക്ക് റിമാന്‍റില്‍. 

കൊച്ചി കോർപ്പറേഷനും പൊതുമരാമത്ത് വകുപ്പിനും ഹൈക്കോടതിയുടെ രൂക്ഷ വിമർശനം.നഗരത്തിലെ ഭൂരിഭാഗം റോഡുകളും തകർന്നു.റോഡ് തകർന്നതിന്‍റെ  പ്രാഥമിക ഉത്തരവാദിത്തം എഞ്ചിനീയർമാർക്ക്..വിഷയത്തിൽ ഹൈക്കോടതിയുടെ മുൻ ഉത്തരവുകൾ ലംഘിക്കപ്പെട്ടു.കോർപ്പറേഷൻ സെക്രട്ടറിക്ക്  നോട്ടീസ്

ഗൂഢാലോചനാ കേസിലെ ക്രൈംബ്രാഞ്ച് അന്വേഷണ സംഘത്തിനും മുഖ്യമന്ത്രിക്കുമെതിരെ സ്വര്‍ണ്ണക്കടത്ത് കേസ് പ്രതി സ്വപ്ന സുരേഷ്. ക്രൈം ബ്രാഞ്ച് കലാപകേസിൽ പ്രതിയാക്കുമെന്ന് ഭീഷണിപ്പെടുത്തിയെന്നും തന്റെ കൈവശമുള്ള, മുഖ്യമന്ത്രിയുടെ മകൾ വീണാ വിജയന്റെ സാമ്പത്തിക കൈമാറ്റങ്ങളുടെ രേഖ ആവശ്യപ്പെട്ടുവെന്നും സ്വപ്ന സുരേഷ് ആരോപിച്ചു. ചോദ്യംചെയ്യാൻ വിളിപ്പിച്ച് അന്വേഷണ സംഘം മാനസികമായി പീഡിപ്പിച്ചു. എച്ച് ആർ ഡി എസുമായുള്ള ബന്ധം ഉപേക്ഷിക്കണമെന്ന് ആവശ്യപ്പെട്ടു. അഡ്വ.കൃഷ്ണരാജിന്റെ വക്കാലത്ത് ഒഴിയണമെന്ന് ആവശ്യപ്പെട്ടു. വീണാ വിജയന്റെ സാമ്പത്തിക കൈമാറ്റങ്ങളുടെ രേഖ ചോദിച്ചു. 164 മൊഴിയുടെ വിവരങ്ങൾ ആവശ്യപ്പെട്ടു. ആ മൊഴിക്ക് വിലയില്ലെന്ന് പറഞ്ഞുവെന്നും സ്വപ്ന സുരേഷ് വിശദീകരിച്ചു. 

ബ്രിട്ടീഷ് പ്രധാനമന്ത്രി പാര്‍ട്ടി നേതൃസ്ഥാനം രാജിവയ്ക്കും. ഒക്ടോബര്‍ വരെ പ്രധാനമന്ത്രി പദവിയില്‍ തുടരും.

ജനവാസമേഖലകളെ ഒഴിവാക്കണമെന്നാവശ്യം,കേന്ദ്രം നിയമനിർമ്മാണം നടത്തണം. വനം മന്ത്രി എ കെ ശശീന്ദ്രനാണ് പ്രമേയം അവതരിപ്പിച്ചത്

സ്വീകരണ തീരുമാനം വർത്തയായതോടെ പരിപാടി ഉപേക്ഷിച്ചെന്ന് പ്രാദേശിക നേതൃത്വം.കാലാവസ്ഥ പ്രതികൂലമായതിനാലാണെന്ന് വിശദീകരണം .സംസ്ഥാന നേതാക്കളെ പങ്കെടുപ്പിച്ച് മറ്റൊരു ദിവസം നടത്തുമെന്ന് ഏരിയ കമ്മിറ്റി

വിവോയുടെ ഓഫീസുകളുമായി ബന്ധപ്പെട്ട് ഇന്ത്യയിൽ എൻഫോഴ്സ്മെന്റ് ഡയറക്ടറേറ്റ് നടത്തുന്ന അന്വേഷണം നിരീക്ഷിക്കുന്നുണ്ടെന്ന് ചൈനീസ് വിദേശകാര്യ മന്ത്രാലയം. ചൈനീസ്  മൊബൈൽ കമ്പനിയാണ് വിവോ. നിയമങ്ങൾ കൃത്യമായി പാലിക്കാൻ വിദേശ രാജ്യങ്ങളിൽ പ്രവർത്തിക്കുന്ന ചൈനീസ് കമ്പനികൾക്ക് നിർദേശം നൽകിയിരുന്നതാണ്. കമ്പനികളുടെ നിയമപരമായ അവകാശങ്ങളും താൽപര്യവും സംരക്ഷിക്കുമെന്നും ചൈനീസ് വിദേശ കാര്യമന്ത്രാലയം വ്യക്തമാക്കി.

മട്ടന്നൂരിൽ ബോംബ് സ്ഫോടനമുണ്ടായ സ്ഥലത്ത് ബോംബ് സ്ക്വാഡ് പരിശോധന നടത്തുന്നു. ബോംബ് സ്ഫോടനമുണ്ടായ ആക്രിക്കടയിലാണ് പരിശോധന. കൂടുതൽ ബോംബ് ഉണ്ടോയെന്നറിയാനാണ് പരിശോധന. സമീപ പ്രദേശങ്ങളിലും ബോംബ് സ്ക്വാഡ് പരിശോധന നടത്തും.

വിദേശകാര്യമന്ത്രി എസ് ജയശങ്കർ ചൈനീസ് വിദേശകാര്യമന്ത്രി വാങ് യിയെ കണ്ടു. അതിർത്തിയിലെ തർക്കം എത്രയും പെട്ടെന്ന് പരിഹരിക്കണം എന്ന് ഇന്ത്യ ആവശ്യപ്പെട്ടു. കമാൻഡർതല ചർച്ച ഉടൻ നടത്താനാണ് ധാരണ. ചൈനയിൽ പഠിക്കുന്ന ഇന്ത്യൻ വിദ്യാർത്ഥികൾക്ക് മടങ്ങാൻ സാഹചര്യം ഒരുക്കണമെന്ന് ഇന്ത്യ ആവശ്യപ്പെട്ടു. ബാലിയിൽ ജി 20 യോഗത്തിനിടെയായിരുന്നു ചർച്ച.

വിയ്യൂർ സെൻട്രൽ ജയിലിൽ പ്രതിയെ തൂങ്ങിമരിച്ച നിലയിൽ കണ്ടെത്തി. തമിഴ്നാട് സ്വദേശി ഗോപി (31) ആണ് മരിച്ചത്. രാവിലെ പ്രഭാത കൃത്യങ്ങൾക്കിറക്കിയപ്പോഴായിരുന്നു സംഭവം. മോഷണക്കേസിൽ ആറ് മാസം ശിക്ഷിക്കപ്പെട്ടയാളാണ്. അടുത്ത ബുധനാഴ്ച പുറത്തിറങ്ങാനിരിക്കുകയായിരുന്നു. മൃതദേഹം തൃശൂർ മെഡിക്കൽ കോളേജിലേക്ക് മാറ്റി.

മുഖ്യമന്ത്രിക്കെതിരെ വിമാനത്തിൽ ആക്രമിക്കാൻ ശ്രമിച്ച യൂത്ത് കോൺഗ്രസ് പ്രവർത്തകരെ തടയാനാണ് ഇപി ജയരാജൻ ശ്രമിച്ചതെന്ന് നിയമസഭയിൽ മുഖ്യമന്ത്രി പിണറായി വിജയൻ. ഇ പിക്കെതിരെ കേസെടുക്കില്ല. കേസിലെ പ്രതികള്‍ കോടതിയിലോ, പൊലീസിലോ ഇത്തരം ആരോപണം ഉന്നയിച്ചിട്ടില്ല. പ്രതികളുടെ നീക്കം കുറ്റകൃത്യത്തിന്‍റെ ഗൌരവം കുറയ്ക്കാനാണെന്നും മുഖ്യമന്ത്രി എഴുതി നൽകിയ മറുപടിയിൽ പറഞ്ഞു.

തൃശൂർ വേലൂരിൽ പനി ബാധിച്ച് മൂന്നാം ക്ലാസ് വിദ്യാർഥി മരിച്ചു. ആനത്താഴത്ത് വർഗീസിന്റെ മകൻ സാം (09) ആണ് മരിച്ചത്. പനി ബാധിച്ചതിനെ തുടർന്ന് ചികിത്സയിലായിരുന്നു. വേലൂർ സെന്റ് സേവ്യേഴ്സ് സ്കൂൾ വിദ്യാർത്ഥിയായിരുന്നു.

കര്‍ണാടകയില്‍ ലെവല്‍ ക്രോസിങ്ങില്‍ വച്ച് ട്രെയിന്‍ ട്രക്കുമായി കൂട്ടിയിടിച്ചു. ബിദര്‍ ജില്ലയിലെ ഭല്‍കി ക്രോസിങ്ങിലായിരുന്നു അപകടം. ഇന്ന് രാവിലെയായിരുന്നു സംഭവം. ആളപായമില്ല.

ബിഹാറിൽ വിദ്യാർത്ഥിയെ ക്രൂരമായി മർദ്ദിച്ച അധ്യാപകൻ അറസ്റ്റിലായി. ആറു വയസുകാരനെ ക്രൂരമായി തല്ലുന്ന ദൃശ്യങ്ങൾ പുറത്തു വന്നിരുന്നു. മറ്റൊരു വിദ്യാർത്ഥിനിയുമായി അധ്യാപകൻ സംസാരിക്കുന്നത് കണ്ടുവെന്ന പേരിലാണ് വിദ്യാർഥിയെ ഇയാൾ തല്ലിയത്. കുട്ടി ബോധരഹിതനാകുന്നത് വരെ ഇയാൾ തല്ലിയതായി രക്ഷിതാക്കൾ പറയുന്നു.

പരിയാരം അലക്യംപാലത്ത് ബൈക്കും ലോറിയും കൂട്ടിയിടിച്ച് രണ്ട് മരണം. പാച്ചേനി സ്വദേശിനി സ്നേഹ(32)യും സഹോദരൻ ലോപേഷുമാണ് മരിച്ചത്. സ്നേഹ സംഭവ സ്ഥലത്തും ലോപേഷ് ആശുപത്രിയിലുമാണ് മരണമടഞ്ഞത്. രാവിലെ ഏഴരയോടെയാണ് ബൈക്കും ലോറിയും കൂട്ടിയിടിച്ച് അപകടമുണ്ടായത്.

ശ്രീജിത്ത് രവിക്കെതിരായ പോക്സോ കേസിൽ പെണ്‍കുട്ടിയുടെ അച്ഛൻ ഏഷ്യാനെറ്റ് ന്യൂസിനോട് പ്രതികരിച്ചു. ശ്രീജിത്ത് രവി കുട്ടികളെ വീട് വരെ പിന്തുടർന്നുവെന്നും വീടിന് മുന്നിൽ വച്ചാണ് നഗ്നതാ പ്രദർശനം നടത്തിയതെന്നും അദ്ദേഹം പറഞ്ഞു. പിറ്റേ ദിവസവും ഇയാൾ കുട്ടികളെ പിന്തുടർന്ന് നഗ്നത പ്രദർശനത്തിന് ശ്രമിച്ചു. വീട്ടുകാർ കണ്ടതോടെ ശ്രീജിത്ത് കാറുമായി സ്ഥലം വിടുകയായിരുന്നുവെന്നും അദ്ദേഹം പറഞ്ഞു. ശ്രീജിത്തിനെതിരെ ചുമത്തിയത് 3 വർഷം വരെ തടവ് ലഭിക്കാവുന്ന വകുപ്പുകളാണ്. സ്ത്രീകളോടുള്ള അതിക്രമം, പോക്സോ വകുപ്പുകളും ചുമത്തിയിട്ടുണ്ട്.

മംഗാലാപുരം പഞ്ചിക്കല്ലുവിൽ ഉരുൾപൊട്ടലിൽ മൂന്ന് മലയാളികൾ മരിച്ചു. ആലപ്പുഴ സ്വദേശി സന്തോഷ്, പാലക്കാട് സ്വദേശി ബിജു, കോട്ടയം സ്വദേശി ബാബു എന്നിവരാണ് മരിച്ചത്. റബ്ബർ ടാപ്പിങ് തൊഴിലാളികളാണ് മരിച്ചത്. പരിക്കേറ്റ കണ്ണൂർ സ്വദേശി ജോണി ചികിത്സയിലാണ്. മംഗലാപുരത്ത് വിവിധ ഇടങ്ങളിൽ മണ്ണിടിച്ചിലുണ്ടായിട്ടുണ്ട്. നിരവധി വീടുകൾക്ക് നാശനഷ്ടം സംഭവിച്ചു. ഉഡുപ്പി, ദക്ഷിണ കന്നഡ, ഉത്തര കന്നഡ ജില്ലകളിൽ കനത്ത മഴ തുടരുന്നു. 

പെൻഷൻ പദ്ധതിക്ക് സർക്കാർ ഉറപ്പും കൊടുക്കുന്നുണ്ട്.വൃദ്ധരെ പ്രതിപക്ഷം ആശങ്ക പെടുത്തുന്നുവെന്നും മന്ത്രി ബാലഗോപാൽ.സര്‍ക്കാരിന്‍റെ ധനധൂര്‍ത്തിലും സാമൂഹ്യ സുരക്ഷ പെന്‍ഷന്‍ മുടങ്ങുമെന്ന ആശങ്കയിലും പ്രതിപക്ഷത്തിന്‍റെ അടിയന്തര പ്രമേയത്തിന് അനുമതിയില്ല.

ബഫർ സോൺ വിഷയത്തിൽ നിയമസഭയിൽ പ്രമേയമവതരിപ്പിക്കാൻ സ‍ര്‍ക്കാ‍ര്‍. കേരളത്തെ ബഫർ സോൺ മേഖലകളിൽ നിന്ന് ഒഴിവാക്കണമെന്നും കേന്ദ്രം നിയമനിർമ്മാണം നടത്തണമെന്നാവശ്യപ്പെട്ടാണ് സ‍ര്‍ക്കാര്‍ പ്രമേയം. വനം മന്ത്രി എ കെ ശശീന്ദ്രനാണ് പ്രമേയം അവതരിപ്പിക്കുക.

മാന്നാർ വള്ളക്കാലിക്ക് സമീപം സ്കൂൾ കുട്ടികളുമായി വന്ന ഓട്ടോ നിയന്ത്രണം തെറ്റി മരത്തിൽ ഇടിച്ചു.  കടപ്ര ആലുംതുരുത്തി സ്റ്റെല്ല മേരിസ് സ്കൂളിലെ ഏഴു കുട്ടികളാണ് വാഹനത്തിൽ ഉണ്ടായിരുന്നത്. കുട്ടികൾക്ക്  പരിക്കില്ല

ഭരണഘടന വിരുദ്ധ പ്രസംഗം നടത്തിയ സജി ചെറിയാനെതിരെ കേസ്. കീഴ്വായ്പൂര്‍ പോലീസാണ് ,കോടതി നിര്‍ദ്ദേശപ്രകാരം കേസെടുത്തത്.

ലാഭകരമായ പൊതുമേഖലാ സ്ഥാപനങ്ങളുടെ എണ്ണം കൂടിയെന്ന് മന്ത്രി പി രാജീവ്. കഴിഞ്ഞ വർഷം 16 പൊതുമേഖലാ സ്ഥാപനങ്ങളായിരുന്നു ലാഭം ഉണ്ടാക്കിയത്. 2022 മാർച്ച് 31 ലെ കണക്ക് പ്രകാരം 26 സ്ഥാപനങ്ങൾ ലാഭത്തിലേക്ക് ഉയർന്നു. വ്യവസായ സൗഹൃദ സംസ്ഥാനങ്ങളുടെ പട്ടികയിൽ കേരളം മികച്ച സ്ഥാനത്തേക്ക് ഉയർന്നു. സ്റ്റാർട്ടപ്പുകളുടെ കാര്യത്തിൽ മികച്ച മുന്നേറ്റം ഉണ്ടാക്കിയെന്നും മന്ത്രി രാജീവ് പറഞ്ഞു.

ബംഗാൾ സന്ദ്ർശനം ഒഴിവാക്കി പ്രതിപക്ഷത്തിൻറെ രാഷ്ട്രപതി സ്ഥാനാർത്ഥി യശ്വന്ത് സിൻഹ. മമത ബാനർജിയുടെ ഉപദേശപ്രകാരമാണ് തീരുമാനം. ദ്രൗപദി മുർമുവിനെ പരസ്യമായി എതിർക്കുന്നത് തിരിച്ചടിയാകുമെന്നാണ് മമതയുടെ വിലയിരുത്തൽ. ഉപരാഷ്ട്രപതി സ്ഥാനാർത്ഥിയെ നിശ്ചയിക്കാൻ പവാർ പ്രതിപക്ഷ നേതാക്കളെ കണ്ടു.

മഹാരാഷ്ട്രയിൽ കനത്ത മഴ. കൊങ്കൺമേഖലയിൽ തീവ്ര മഴ. റായ്ഗഡ്, രത്നഗിരി , സിന്ധുദുർഗ് ജില്ലകളിൽ മറ്റന്നാൾ വരെ റെഡ് അലർട്ട്. പാൽഖർ, പൂനെ, കോലാപ്പൂർ, സത്താര ജില്ലകളിൽ ഇന്നും നാളെയും റെഡ് അലർട്ട്. മുംബൈ, താനെ ജില്ലകളിൽ ഞായർ വരെ ഒറഞ്ച് അലർട്ട്.

ഉദയ്പൂർ കൊലപാതകത്തിൽ ഒരാൾ കൂടി അറസ്റ്റിലായി. ഉദയ്പൂരിൽ നിന്ന് വസിം അലിയാണ് അറസ്റ്റിലായത്. കൊല്ലപ്പെട്ട കനയ്യലാലിൻറെ കടയ്ക്കടുത്ത് വസിം അലിയും കട നടത്തുകയായിരുന്നു

ജില്ലയിലെ ഹയർ സെക്കൻഡറി സീറ്റുകളുടെ അപര്യാപ്ത കണക്കിലെടുത്ത് അധിക ബാച്ചുകളും പുതിയ ബാച്ചുകളും അനുവദിക്കാൻ നടപടി സ്വീകരിക്കണമെന്ന് സർക്കാറിനോട് ഹൈകോടതി. ഹയർ സെക്കൻഡറി വിദ്യാഭ്യാസ മേഖലയിൽ ജില്ല കടുത്ത അസൗകര്യം നേരിടുന്നുവെന്ന് കോടതിയടക്കം കണ്ടെത്തിയ സാഹചര്യത്തിലാണിത്

വ്യാജരേഖകള്‍ ചമച്ച് ആലപ്പുഴ നഗരസഭയിലും അനധകൃത കെട്ടിടങ്ങള്‍ക്ക് നമ്പർ നൽകിയെന്ന് കണ്ടെത്തൽ. മുല്ലയ്ക്കല്‍ വാര്‍ഡിലെ ആറ് മുറികളടങ്ങിയ കെട്ടിടത്തിനാണ് നമ്പറിട്ടത്. മുല്ലയ്ക്കല്‍ വാര്‍ഡിലെ ആറ് മുറികളടങ്ങിയ കെട്ടിടത്തിനാണ് നമ്പറിട്ടത്. മുല്ലയ്ക്കല്‍ വാര്‍ഡിലെ ആറ് മുറികളടങ്ങിയ കെട്ടിടത്തിനാണ് നമ്പറിട്ടത്. മുല്ലയ്ക്കല്‍ വാര്‍ഡില്‍ നൗഷാദ്, സക്കീർ ഹുസൈന്‍, ഷൗക്കത്ത് എന്നിവരുടെ പേരിലുള്ള കെട്ടിടങ്ങള്‍ക്കാണ്  അനധികൃതമായി നമ്പര്‍ നല്‍കിയിരിക്കുന്നത്. മുല്ലയ്ക്കല്‍ വാര്‍ഡില്‍ നൗഷാദ്, സക്കീർ ഹുസൈന്‍, ഷൗക്കത്ത് എന്നിവരുടെ പേരിലുള്ള കെട്ടിടങ്ങള്‍ക്കാണ്  അനധികൃതമായി നമ്പര്‍ നല്‍കിയിരിക്കുന്നത്.

എകെജി സെൻറർ ആക്രമിച്ച് ഒരാഴ്ച തികഞ്ഞിട്ടും പ്രതിക്കായി ഇപ്പോഴും ഇരുട്ടിൽ തപ്പുകയാണ് തലസ്ഥാനത്തെ പൊലീസ് സംവിധാനങ്ങൾ. സിസിടിവിയും മൊബൈൽ ടവറും കേന്ദ്രീകരിച്ച് തന്നെയാണ് അന്വേഷണം തുടരുന്നത്. എകെജി സെന്ററിന് നേരെ എറിഞ്ഞത് പ്രഹരശേഷിയുള്ള സ്ഫോടക വസ്തുവല്ല എന്ന ഫൊറൻസിക് കണ്ടെത്തൽ ഇന്നലെ പുറത്തുവന്നിരുന്നു. വൈകാതെ പ്രതിയിലേക്ക് എത്താനാകുന്ന ചില സൂചനകൾ ലഭിച്ചിട്ടുണ്ടെന്ന് മാത്രമാണ് പൊലീസ് പറയുന്നത്.

സംസ്ഥാനത്ത് ഇന്നും വ്യാപക മഴയ്ക്ക് സാധ്യത. ഇന്ന് 11 ജില്ലകളിൽ യെല്ലോ അലർട്ടാണ്. ആലപ്പുഴ മുതൽ കാസർകോട് വരെയുള്ള ജില്ലകളിലാണ് ഇന്ന് യെല്ലോ അലർട്ട്. വടക്കൻ ജില്ലകളിലാണ് കൂടുതൽ മഴ സാധ്യത. ഒറ്റപ്പെട്ടയിടങ്ങളിൽ അതിശക്തമായ മഴ കിട്ടും. കച്ചിനും സമീപപ്രദേശങ്ങൾക്കം മുകളിലായി നിലനിൽക്കുന്ന ന്യുന മർദ്ദവും, ഗുജറാത്ത്‌ തീരം മുതൽ കർണാടക തീരം വരെയുള്ള ന്യുന മർദ്ദ പാത്തിയുമാണ് മഴ തുടരാൻ കാരണം.

ഹജ്ജ് തീർത്ഥാടനത്തിന് ഇന്ന് ഔദ്യോഗിക തുടക്കമാകും. മിന താഴ്വരയിൽ ഇന്ന് കഴിച്ചുകൂട്ടുന്ന തീർത്ഥാടകർ പ്രാർഥനകളിൽ മുഴുകും. ദുൽഹജ്ജ് എട്ട് ആയ ഇന്ന് രാവിലെ മുതൽ വൈകിട്ട് വരെ ടെന്‍റുകളുടെ നഗരമെന്നറിയപ്പെടുന്ന മിനയിലാകും നമസ്കാരമടക്കമുള്ള ചടങ്ങുകൾ തീർത്ഥാടകർ നിർവഹിക്കുക. നാളെയാണ് അറഫ സംഗമം. ഇന്ത്യയിൽ നിന്ന് 79362 തീർഥാടകർക്കാണ് ഇത്തവണ ഹജ്ജിന് അവസരം ലഭിച്ചത്.

നടൻ ശ്രീജിത്ത് രവി അറസ്റ്റിൽ. കുട്ടികൾക്ക് മുമ്പിൽ നഗ്നത പ്രദർശനം നടത്തിയെന്നാണ് കേസ്. തൃശൂർ വെസ്റ്റ് പൊലീസ് അറസ്റ്റ് ചെയ്തു. പോക്സോ കേസ് രജിസ്റ്റർ ചെയ്തു