ഗോവയിൽ കപ്പലിലായിരുന്ന പ്രമോദിന് ഒരാഴ്ച മുമ്പാണ് രോഗം ബാധിച്ചത്. മതിയായ ചികിത്സ ലഭിക്കുന്നില്ലെന്ന് പ്രമോദ് വീട്ടുകാരോട് പറഞ്ഞിരുന്നു.
മാരാരിക്കുളം: ഗോവയില്‍ കൊവിഡ് ബാധിച്ച് മലയാളിയായ നാവികസേന ഉദ്യോഗസ്ഥന്‍ മരിച്ചു. ആര്യാട് പഞ്ചായത്ത് ഒമ്പതാം വാർഡിൽ ചെമ്പന്തറ ചാലാത്തറ (കൗസ്തുഭം) യിൽ പ്രകാശിനിയുടെ മകൻ പ്രമോദ് (26) ആണ് മരിച്ചത്. ഹവിൽദാറായ പ്രമോദ് ഗോവയിൽ വച്ചാണ് മരിച്ചത്യ കപ്പലിലായിരുന്ന പ്രമോദിന് ഒരാഴ്ച മുമ്പാണ് രോഗം ബാധിച്ചത്.
ഗോവയിലെ സ്വകാര്യ ആശുപത്രിയിൽ ചികിത്സയിലായിരുന്ന പ്രമോദ് ഞായറാഴ്ചയാണ് മരിച്ചത്. നാലു ദിവസം മുമ്പുവരെ പ്രമോദ് കുടുംബാംഗങ്ങളുമായി ഫോണിൽ ബന്ധപ്പെട്ടിരുന്നു. മതിയായ ചികിത്സ ലഭിക്കുന്നില്ലെന്ന് കുടുംബാംഗങ്ങളോട് പറഞ്ഞിരുന്നു. മൃതദേഹം കൊവിഡ് മാനദണ്ഡങ്ങൾ പാലിച്ച് ചൊവ്വാഴ്ച വൈകിട്ട് നാലരയോടെ വീട്ടുവളപ്പിൽ സംസ്കരിച്ചു.