മന്ത്രി എം.വി.ഗോവിന്ദൻ്റെ വാഹനം കണ്ണൂരിൽ അപകടത്തിൽപ്പെട്ടു

അപകടത്തിൽ മന്ത്രിക്കോ ഒപ്പമുണ്ടായിരുന്നവര്‍ക്കോ പരിക്കില്ല.   

കണ്ണൂ‍ര്‍: എക്സൈസ്- തദ്ദേശസ്വയംഭരണവകുപ്പ് മന്ത്രി എം.വി.ഗോവിന്ദൻ സഞ്ചരിച്ച വാഹനം അപകടത്തിൽപ്പെട്ടു. കണ്ണൂര്‍ തളാപ്പിൽ വച്ചാണ് മന്ത്രിയുടെ ഔദ്യോഗികവാഹനം അപകടത്തിൽപ്പെട്ടത്. യാത്രയ്ക്കിടെ തളാപ്പിലെ റോ‍ഡ് ഡിവൈഡറിൽ തട്ടി കാറിൻ്റെ ടയര്‍ പൊട്ടിത്തെറിക്കുകയായിരുന്നു. അപകടത്തെ തുടര്‍ന്ന് മന്ത്രിയെ മറ്റൊരു വാഹനത്തിൽ വീട്ടിൽ എത്തിച്ചു. അപകടത്തിൽ മന്ത്രിക്കോ ഒപ്പമുണ്ടായിരുന്നവര്‍ക്കോ പരിക്കില്ല.