ഗുരുവായൂരില്‍ പ്രാര്‍ത്ഥിച്ചതെന്ത്‌; മലയാളത്തില്‍ മോദിയുടെ കുറിപ്പ്‌

ക്ഷേത്രത്തിലെത്തി പ്രാര്‍ത്ഥിച്ചത്‌ ഇന്ത്യയുടെ പുരോഗതിക്കും സമൃദ്ധിക്കും വേണ്ടിയാണെന്നാണ്‌ മോദി മലയാളത്തില്‍ ട്വീറ്റ്‌ ചെയ്‌തിരിക്കുന്നത്‌

തിരുവനന്തപുരം: ഗുരുവായൂര്‍ ക്ഷേത്രസന്ദര്‍ശനത്തെക്കുറിച്ച്‌ മലയാളത്തില്‍ ട്വീറ്റ്‌ ചെയ്‌ത്‌ പ്രധാനമന്ത്രി നരേന്ദ്രമോദി. ക്ഷേത്രത്തിലെത്തി പ്രാര്‍ത്ഥിച്ചത്‌ ഇന്ത്യയുടെ പുരോഗതിക്കും സമൃദ്ധിക്കും വേണ്ടിയാണെന്നാണ്‌ മോദി മലയാളത്തില്‍ ട്വീറ്റ്‌ ചെയ്‌തിരിക്കുന്നത്‌.

'ഗുരുവായൂര്‍ ക്ഷേത്രം ദിവ്യവും പ്രൗഢഗംഭീരവുമാണ്‌. ഇന്ത്യയുടെ പുരോഗതിക്കും സമൃദ്ധിക്കും വേണ്ടി ചരിത്രപ്രസിദ്ധമായ ഈ ക്ഷേത്രത്തില്‍ പ്രാര്‍ത്ഥിച്ചു' എന്നാണ്‌ മോദിയുടെ ട്വീറ്റ്‌. സന്ദര്‍ശനത്തിന്റെ വീഡിയോ പങ്കുവച്ച്‌ ഇംഗ്ലീഷിലും ഇക്കാര്യം മോദി ട്വീറ്റ്‌ ചെയ്‌തിട്ടുണ്ട്‌.

തുലാഭാരത്തട്ടിലിരിക്കുന്ന ചിത്രം പങ്കുവച്ച്‌ ഗുരുവായൂര്‍ ക്ഷേത്രത്തിലെ അനുഗ്രഹീത നിമിഷം എന്നും മോദി ട്വിറ്ററില്‍ കുറിച്ചിട്ടുണ്ട്‌.