സംഭവത്തിൽ ഹോസ്റ്റൽ ജീവനക്കാരനായ സത്താറിനെതിരെ പൊലീസ് കേസെടുത്തു. ഇന്ന് വിദ്യാർത്ഥികളുടെ മൊഴിയെടുക്കും.
ഇടുക്കി: മൂന്നാറിൽ ആദിവാസി വിദ്യാർഥികൾക്ക് ഹോസ്റ്റലിൽ മർദ്ദനമേറ്റു. മൂന്നാർ മോഡൽ റസിഡൻഷ്യൽ സ്കൂളിലെ അഞ്ച് വിദ്യാർഥികളെയാണ് ഹോസ്റ്റൽ ജീവനക്കാരൻ സത്താർ മർദ്ദിച്ചത്. സ്കൂളിൽ നടത്തിയ കൗൺസിലിംഗിനിടയിലാണ് വിദ്യാർഥികൾ മർദ്ദന വിവരം പുറത്തു പറഞ്ഞത്. സ്കൂൾ അധികൃതർ നൽകിയ പരാതിയിൽ സത്താറിനെതിരെ ജാമ്യമില്ല വകുപ്പുകൾ പ്രകാരം മൂന്നാർ പൊലീസ് കേസെടുത്തു. വിദ്യാർഥികളുടെ മൊഴിയെടുത്ത ശേഷം പൊലീസ് തുടർനടപടികളിലേക്ക് കടക്കും.