'ഞാന് സ്ഥിരം സ്റ്റാർ അല്ലേ? പുതുപ്പള്ളി താരപ്രചാരക പട്ടികയിൽ ഉൾപ്പെട്ടില്ലെങ്കിലും പ്രശ്നമില്ല,പരിഭവം ഇല്ല'
Synopsis
കെ കരുണാകരൻ സ്മാരകത്തിന്റെ പ്രവർത്തനവുമായി ബന്ധപ്പെട്ടുള്ള കാര്യങ്ങളാണ് ആറാം തീയതി പറയാം എന്ന് പറഞ്ഞത്.അല്ലാതെ വേറെ എന്തെങ്കിലും വെടി പൊട്ടും എന്ന് ആരും പ്രതീക്ഷിക്കേണ്ടെന്ന് കെ.മുരളീധരന്
കോട്ടയം: പുതുപ്പള്ളിയിലെ കോണ്ഗ്രസിന്റെ താരപ്രചാരക പട്ടികയില് ഉള്പ്പെടാത്തതില് പ്രതികരണവുമായി കെ,മുരളീധരന് എംപി രംഗത്ത്.സ്ഥിരം സ്റ്റാർ ആയതുകൊണ്ട് താര പട്ടികയിൽ ഉൾപ്പെട്ടില്ലെങ്കിലും പ്രശ്നമില്ല.ആരോടും ഇക്കാര്യത്തിൽ പരിഭവം പറഞ്ഞിട്ടില്ലെന്നും അദ്ദേഹം പറഞ്ഞു.പാർട്ടിക്ക് അവമതിപ്പ് ഉണ്ടാക്കുന്ന ഒന്നും കോൺഗ്രസ് നേതാക്കളുടെ ഭാഗത്ത് നിന്നുണ്ടാകില്ല.കെ കരുണാകരൻ സ്മാരകത്തിന്റെ പ്രവർത്തനവുമായി ബന്ധപ്പെട്ടുള്ള കാര്യങ്ങളാണ് ആറാം തീയതി പറയാം എന്ന് പറഞ്ഞത്.അല്ലാതെ വേറെ എന്തെങ്കിലും വെടി പൊട്ടും എന്ന് ആരും പ്രതീക്ഷിക്കേണ്ട.വടകരയില് വീണ്ടും മത്സരിക്കുമോയെന്ന് ഇപ്പോള് പറയാന് ജ്യോത്സ്യൻ അല്ലെന്നും അദ്ദേഹം പറഞ്ഞു.
പുതുപ്പള്ളിയിൽ ഭൂരിപക്ഷം ഉയർത്തലാണ് ലക്ഷ്യം.പ്രചാരണം നയിക്കുന്നത് ഉമ്മൻ ചാണ്ടി നടത്തിയ വികസനപ്രവർത്തനങ്ങളാണ്.25000ൽ കൂടുതൽ ഭൂരിപക്ഷം കിട്ടും
ഇത്രയേറെ വികസന പ്രവർത്തനങ്ങൾ നടത്തിയിട്ടുണ്ടെങ്കിൽ മുഖ്യമന്ത്രി എന്താണ് മാധ്യമങ്ങളെ കാണാത്തത്.ക്യാബിനറ്റ് കഴിഞ്ഞാൽ വാർത്താ സമ്മേളനാം നടത്താറില്ല.നരേന്ദ്രമോദിയുടെ മറ്റൊരു പതിപ്പാണ് പിണറായി.കെ റെയിൽ പോലുള്ള ധൂർത്ത് അനുവദിക്കില്ല
53 വർഷം ഉമ്മൻചാണ്ടി എംഎൽഎ ആയത് നൂലിൽ കെട്ടി ഇറക്കിയിട്ടല്ല.ഉമ്മൻചാണ്ടിയുടെ സ്വീകാര്യത പിണറായിയെ ബോധ്യപ്പെടുത്തേണ്ട കാര്യമില്ല.ഏഴര വർഷമായി നടക്കുന്നത് അഴിമതിയും സ്വജന പക്ഷപാതവുമാണ്.പ്രതിപക്ഷനേതാവിന്റെ ഏഴ് ചോദ്യങ്ങളിൽ ഒരെണ്ണത്തിന് പോലും മുഖ്യമന്ത്രി മറുപടി പറഞ്ഞിട്ടില്ല.മകൾക്കെതിരെ ഉണ്ടായ ആരോപണത്തിൽ എന്തുകൊണ്ട് ജുഡീഷണൽ അന്വേഷണം പ്രഖ്യാപിക്കുന്നില്ല?പഞ്ചായത്ത് തോറും മുഖ്യമന്ത്രി പ്രസംഗിച്ചാലും ഇടത് സ്ഥാനാര്ത്ഥി ജയിക്കില്ല.മന്ത്രിമാരെല്ലാം പുതുപ്പള്ളി വന്നു കണ്ടു പൊയ്ക്കോട്ടെ.ഒരു പ്രതീക്ഷയും ഈ മണ്ഡലത്തിൽ വേണ്ടതില്ലെന്നും കെ.മുരളീധരന് പറഞ്ഞു