ഒരു ബ്ലാക്ക് ഫംഗസ് മരണം കൂടി, മലപ്പുറം സ്വദേശി കോഴിക്കോട് മെഡി. കോളേജിൽ മരിച്ചു

ഈ മാസം 16ന് അഹമ്മദ് കുട്ടി കൊവിഡ് മുക്തനായിരുന്നു. തുട‍ർന്നാണ് ബ്ലാക് ഫംഗസ് സ്ഥിരീകരിച്ചത്.

കോഴിക്കോട്: സംസ്ഥാനത്ത് ഒരു ബ്ലാക്ക് ഫംഗസ് മരണം കൂടി. ബ്ലാക്ക് ഫംഗസ് ബാധിച്ച് ചികിത്സ തേടിയയാൾ കോഴിക്കോട് മെഡിക്കൽ.കോളേജ് ആശുപത്രിയിൽ മരിച്ചു. മലപ്പുറം വളാഞ്ചേരി സ്വദേശി അഹമ്മദ് കുട്ടി(75)യാണ് മരിച്ചത്. ഇന്നലെ വൈകുന്നേരമായിരുന്നു മരണം. ഈ മാസം 16ന് അഹമ്മദ് കുട്ടി കൊവിഡ് മുക്തനായിരുന്നു. തുട‍ർന്നാണ് ബ്ലാക് ഫംഗസ് സ്ഥിരീകരിച്ചത്. മഞ്ചേരി മെഡിക്കൽ കോളേജ് ആശുപത്രിയിൽ നിന്നാണ് ഇദ്ദേഹത്തെ കോഴിക്കോട്ടേക്ക് മാറ്റിയത്. 

കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona