ഏറെ വെല്ലുവിളികൾ ഉണ്ടായിരുന്നു, മധു വധക്കേസിലെ കോടതി വിധിയിൽ സന്തോഷമെന്ന് ഒറ്റപ്പാലം മുൻ സബ് കളക്ടർ

ജെറോമിക് ജോർജ് നൽകിയ മജിസ്റ്റീരിയൽ റിപ്പോർട്ടാണ് കേസിൽ നിർണായകമായത്.

തിരുവനന്തപുരം : മധുക്കേസിൽ  കോടതി വിധിയിൽ സന്തോഷവും ചാരിതാർത്ഥ്യവും ഉണ്ടെന്ന് ജെ​റോ​മി​ക് ജോ​ര്‍ജ്​ ഐ എ എസ്. ഒറ്റപ്പാലം സബ് കലക്റ്റർ ആയിരിക്കെ ജെ​റോ​മി​ക് ജോ​ര്‍ജ്​ നൽകിയ മജിസ്റ്റീരിയൽ അന്വേഷണ റിപ്പോർട്ട് ആണ് മധു കേസിൽ നിർണായകമായത്. സംഭവത്തിൽ ആൾക്കൂട്ട ആക്രമണം ഉണ്ടായതായി ഈ റിപ്പോർട്ടിൽ വ്യക്തമാക്കിയിരുന്നു.

സർവ്വീസിൻ്റെ തുടക്കത്തിൽ ഏറെ വെല്ലുവിളി ഉയർത്തിയ അന്വേഷണമാണ് അട്ടപ്പാടി മധു കൊലപാതകം. കോടതിക്ക് ബോധ്യമായ കാര്യങ്ങളിലാകും ഇപ്പോൾ വിധി വന്നിരിക്കുന്നത്. ഏറെ വെല്ലുവിളികൾ ഉണ്ടായിരുന്നു. സത്യമേവ ജയതേ എന്നത് യഥാർത്ഥ്യമായlതായും  ജെറോമിക് ജോർജ് ഏഷ്യാനെറ്റ് ന്യൂസിനോട് പറഞ്ഞു.