
മലപ്പുറം:മാറാട് കലാപ സമയത്ത് യുഡിഎഫും ആർഎസ്എസ് നേതാക്കളും തമ്മിൽ ഡീൽ ഉണ്ടാക്കിയെന്ന് സിപിഎം സംസ്ഥാന കമ്മിറ്റി അംഗം പി. ജയരാജൻ ആരോപിച്ചു.കോഴിക്കോട് ഗസ്റ്റ്ഹൗസിൽ എകെ ആൻറണിയും പികെ കുഞ്ഞാലിക്കുട്ടിയും ആർഎസ്എസ് നേതാക്കളും ചേർന്നാണ് ഡീൽ ഉണ്ടാക്കിയത്. ഡീലിന് പിന്നാലെ സിബിഐ അന്വേഷിക്കണമെന്ന ആവശ്യത്തിൽ നിന്ന് ബിജെപി പിന്മാറി.ഹിന്ദു രാഷ്ട്രവാദികൾക്ക് സഹായകരമായ നിലപാടാണ് ലീഗും ജമാഅത്തെ ഇസ്ലാമിയും സ്വീകരിക്കുന്നതെന്നും പി ജയരാജൻ ആരോപിച്ചു. പൊന്നാനി വെളിയംകോട് ഇടതു സ്ഥാനാർഥി എം കെ സക്കീറിന്റെ പ്രചാരണ വേദിയിലായിരുന്നു പ്രസംഗം.
നിയമസഭാ തെരഞ്ഞെടുപ്പിന്റെ പ്രചാരണം അവസാന ഘട്ടത്തിലേക്ക് കടക്കുന്നതിനിടെ ഡീൽ ആരോപണങ്ങള് ശക്തമാക്കുകയാണ് മുന്നണി. നിയമസഭാ തെരഞ്ഞെടുപ്പിൽ പല മണ്ഡലങ്ങളിലും ബിജെപിയും സിപിഎമ്മും തമ്മിൽ ഡീലുണ്ടെന്ന ആരോപണം കോണ്ഗ്രസും ലീഗുമടക്കം കടുപ്പിക്കുമ്പോള് ബിജെപിയുമായും ആര്എസ്എസുമായും കോണ്ഗ്രസ് ഡീലുണ്ടാക്കുകയാണെന്ന ആരോപണവുമായി തിരിച്ചടിക്കുകയാണ് സിപിഎം. എൽഡിഎഫ് സ്ഥാനാര്ത്ഥികളെ തോൽപ്പിക്കാൻ ഡീലുണ്ടെന്ന ആരോപണമാണ് ഇടത് നേതാക്കള് ഉന്നയിക്കുന്നത്. ഇത്തരം ഡീൽ ആരോപണങ്ങള്ക്കിടെയാണ് മാറാട് കലാപ സമയത്ത് ഡീൽ ഉണ്ടാക്കിയിട്ടുണ്ടെന്ന ആരോപണവുമായി പി ജയരാജൻ രംഗത്തെത്തുന്നത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam