ചരിത്രമെഴുതി പിണറായി 2.0, 'സഗൗരവം' അധികാരമേറ്റ് മുഖ്യമന്ത്രി; സഭാസമ്മേളനം 24ന് തുടങ്ങും, ബജറ്റ് ജൂൺ 4ന് |Live

രണ്ടാം പിണറായി സർക്കാരിന്‍റെ ആദ്യ ബജറ്റ് ജൂൺ മാസം നാലാ തീയതി ആയിരിക്കും. സഭ സമ്മേളനം ഈ മാസം 24 ാം തീയതി ആരംഭിക്കും. ഗവർണ്ണറുടെ നയ പ്രഖ്യാപന പ്രസംഗം മെയ് 28 നായിരിക്കും 

രണ്ടാം പിണറായി സർക്കാരിൻ്റെ ആദ്യ നിയമസഭാ സമ്മേളനം 24, 25 തിയതികളിൽ നടക്കും. മുഖ്യമന്ത്രി പിണറായി തന്നെയാണ് ഇക്കാര്യം അറിയിച്ചത്

മുഖ്യമന്ത്രിയുടെ പ്രൈവറ്റ് സെക്രട്ടറിയായി സി പി ഐ എം സംസ്ഥാന കമ്മിറ്റി അംഗവും മുൻ എംപിയുമായ കെ കെ രാഗേഷിനെ നിയമിച്ചു. മുഖ്യമന്ത്രിയുടെ ഓഫീസർ ഓൺ സ്പെഷ്യൽ ഡ്യൂട്ടി ആയി മുൻ ഐ ആർ എസ് ഉദ്യോഗസ്ഥൻ ആർ മോഹനെയും നിയമിച്ചു. സി പി ഐ എം സംസ്ഥാന കമ്മിറ്റി അംഗം ദിനേശൻ പുത്തലത്ത് ആണ് പൊളിറ്റിക്കൽ സെക്രട്ടറി

പുതിയ നിയമസഭയുടെ പ്രൊ ടെം സ്പീക്കറായി പി ടി എ റഹീമിനെ തീരുമാനിച്ചതായി മുഖ്യമന്ത്രി അറിയിച്ചു.

5 വർഷം കൊണ്ട് മാലിന്യ രഹിത കേരളം സൃഷ്ടിക്കുമെന്ന് മുഖ്യമന്ത്രി പിണറായി വിജയൻ

അഞ്ച് വർഷം കൊണ്ട് പൊതു മേഖല സ്ഥാപനങ്ങളെ നവീകരിക്കുമെന്ന് മുഖ്യമന്ത്രി. 

2025 ഓടെ സംസ്ഥാനം പാൽ ഉല്പാദനത്തിൽ സ്വയം പര്യാപ്തത കൈവരിക്കുമെന്ന് മുഖ്യമന്ത്രി. 

ജനത്തിന് താല്പര്യം അർത്ഥ ശൂന്യമായ വിവാദത്തിൽ അല്ല വികസനത്തിലാണെന്ന് മുഖ്യമന്ത്രി.

രണ്ടാം വട്ടം കേരള മുഖ്യമന്ത്രിയായി അധികാരമേറ്റ ശേഷമുള്ള പിണറായി വിജയന്‍റെ വാർത്താ സമ്മേളനം വാർത്താ സമ്മേളനം തുടങ്ങി.

രണ്ടാം വട്ടം കേരള മുഖ്യമന്ത്രിയായി അധികാരമേറ്റ ശേഷമുള്ള പിണറായി വിജയന്‍റെ വാർത്താ സമ്മേളനം അൽപ്പസമയത്തിനകം തുടങ്ങും. ആദ്യ മന്ത്രിസഭാ യോഗത്തിന് ശേഷമാകും മുഖ്യമന്ത്രി മാധ്യമങ്ങളെ കാണുന്നത്.

ആദ്യ മന്ത്രിസഭാ യോ​ഗം തുടരുന്നു.

മന്ത്രിസഭാ യോഗത്തിനായി മുഖ്യമന്ത്രിയും മന്ത്രിമാരും സെക്രട്ടേറിയറ്റിലെത്തി.

 

മുഖ്യമന്ത്രി പിണറായി വിജയൻ സെക്രട്ടേറിയറ്റിലെത്തി അധികാരമേറ്റെടുത്തു

 

 

മുഖ്യമന്ത്രിയുടെ നേതൃത്വത്തിലുള്ള ആദ്യ മന്ത്രിസഭായോഗം അല്‍പ്പസമയത്തിനകം ചേരുന്നു.

രാജ്ഭവനിലെ ചായസ്ത്കാരം കഴിഞ്ഞ് മുഖ്യമന്ത്രിയും മന്ത്രിമാരും ഇറങ്ങി. 

എല്ലാ മന്ത്രിമാരും കുടുംബ അംഗങ്ങളും രാജ്ഭവനിലെത്തി. സി പി എം ജനറൽ സെക്രട്ടറി സിതാറാം യെച്ചൂരിയും രാജ്ഭവനിലെ സത്കാരത്തിൽ പങ്കെടുത്തു

മുഖ്യമന്ത്രി പിണറായി വിജയനും പുതിയ മന്ത്രിമാരും രാജ്ഭവനിലേക്ക് തിരിച്ചു. 

ഇടത് മുന്നണി സർക്കാരിൽ മുഖ്യമന്ത്രി പിണറായിയടക്കം 16 മന്ത്രിമാരുടെ സത്യപ്രതിജ്ഞ 'സഗൗരവം' ആയിരുന്നു. വീണ ജോർജടക്കം അഞ്ചുപേർ ദൈവനാമത്തിലും സത്യപ്രതിജ്ഞ ചെയ്തു. വീണ ജോർജ്ജ്, ആൻ്റണി രാജു, വി അബ്ദുറഹ്മാൻ, കെ കൃഷ്ണൻകുട്ടി, റോഷി അഗസ്റ്റിൻ എന്നിവരാണ് ദൈവനാമത്തിൽ സത്യപ്രതിജ്ഞ ചെയ്തത്. ഐഎൻഎല്ലിൻ്റെ അഹമ്മദ് ദേവര്‍കോവിൽ അള്ളാഹുവിൻ്റെ നാമത്തിൽ സത്യപ്രതിജ്ഞ ചെയ്തു.

രണ്ടാം പിണറായി മന്ത്രിസഭയിലെ എല്ലാ മന്ത്രിമാരും സത്യപ്രതിജ്ഞ ചെയ്തു. വേദിയിൽ ദേശീയഗാനം. 

 

രണ്ടാം പിണറായി മന്ത്രിസഭയിലെ അവസാന അംഗമായി വീണ ജോർജ്ജും സത്യപ്രതിജ്ഞ ചെയ്തു. ദൈവനാമത്തിലായിരുന്നു സത്യപ്രതിജ്ഞ. ആരോഗ്യവകുപ്പായിരിക്കും ആറന്മുള എംഎൽഎയ്ക്ക് നൽകുകയെന്നാണ് പുറത്ത് വരുന്ന വാർത്ത. 

വി എൻ വാസവൻ മന്ത്രിയായി സഗൗരവം സത്യപ്രതിജ്ഞ ചെയ്തു. കോട്ടയത്തെ സിപിഎമ്മിൻ്റെ ശക്തനായ നേതാവ് ഇതാദ്യമായാണ് മന്ത്രിയാവുന്നത്. 

നേമത്ത് കുമ്മനം രാജശേഖരനേയും കെ മുരളീധരനെയും തോൽപ്പിച്ച വി ശിവൻകുട്ടി മന്ത്രിയായി സത്യപ്രതിജ്ഞ ചെയ്തു. സഗൗരവം തന്നെയായിരുന്നു സത്യപ്രതിജ്ഞ. 

സജി ചെറിയാനും സഗൗരവം സത്യപ്രതിജ്ഞ ചെയ്തു. ചെങ്ങന്നൂരിൽ നിന്നും ജയിച്ച സജി ചെറിയാൻ ഇതാദ്യമായാണ് മന്ത്രിയാവുന്നത്. 

പി രാജീവും സഗൗരവം സത്യപ്രതിജ്ഞ ചെയ്തു.  കളമശ്ശേരിയിൽ നിന്നാണ് ഇത്തവണ പി രാജീവ് നിയമസഭയിലെത്തിയത്. 

കെ രാധാകൃഷ്ണനും സഗൗരവം സത്യപ്രതിജ്ഞ ചെയ്തു. ചേലക്കരയിൽ നിന്ന് നിയമസഭയിലെത്തിയ കെ രാധാകൃഷ്ണൻ മുമ്പ് നിയമസഭ സ്പീക്കർ പദവിയും വഹിച്ചിട്ടുണ്ട്. 

സിപിഐയുടെ പി പ്രസാദ് മന്ത്രിയായി സത്യപ്രതിജ്ഞ ചെയ്തു. പരിസ്ഥിതി സമരങ്ങളിലെ നിറ  സാന്നിധ്യമായ പ്രസാദ്, 2016ൽ ഹരിപ്പാട് ചെന്നിത്തലക്കെതിരെ കടുത്ത മത്സരം കാഴ്ച വച്ചിരുന്നു. ഇത്തവണ ചേർത്തലയിൽ നിന്നാണ് നിയമസഭയിലെത്തിയത്. 

മുഹമ്മദ് റിയാസും സഗൗരവം മന്ത്രിയായി പ്രതിജ്ഞ ചെയ്തു. ഡിവൈഎഫ്ഐയുടെ അഖിലേന്ത്യ പ്രസിഡൻ്റ് ആയ റിയാസ് ജയിച്ചത് ബേപ്പൂരിൽ

നിന്ന്. 

എം വി ഗോവിന്ദൻ മാസ്റ്ററും സഗൗരവം സത്യപ്രതിജ്ഞ ചെയ്തു. മുതിർ‍ന്ന സിപിഎം നേതാവായ ഗോവിന്ദൻ മാസ്റ്റർ കണ്ണൂരിലെ തളിപ്പറമ്പിൽ നിന്നാണ് നിയമസഭയിലേക്ക് വിജയിച്ചത്. 

സിപിഐയുടെ വനിതാ മന്ത്രിയായ ചിഞ്ചുറാണി സത്യപ്രതിജ്ഞ ചെയ്തു,സഗൗരവം തന്നെയായിരുന്നു സത്യപ്രതിജ്ഞ. കെ ആർ ഗൗരിക്ക് ശേഷമുള്ള സിപിഐയുടെ വനിതാമന്ത്രി.

ഈ മന്ത്രിസഭയിലെ വനിതാ മന്ത്രിമാരിൽ അദ്യമായി ആർ ബിന്ദു സത്യപ്രതിജ്ഞ ചെയ്തു സഗൗരവമായിരുന്നു സത്യപ്രതിജ്ഞ

കെ എൻ ബാലഗോപാൽ സഗൗരവം സത്യപ്രതിജ്ഞ ചെയ്തു. തോമസ് ഐസക്കിൻ്റെ പിൻഗാമിയായി ബാലഗോപാലിന് ധനവകുപ്പ് നൽകുമെന്നാണ് റിപ്പോർ‍ട്ടുകൾ.

സിപിഐയുടെ മന്ത്രി ജി ആർ അനിലും സഗൗരവം സത്യപ്രതിജ്ഞ ചെയ്തു.

വി അബ്ദു റഹ്മാൻ ദൈവനാമത്തിൽ സത്യപ്രതിജ്ഞ ചെയ്തു. 

വി അബ്ദു റഹ്മാൻ ദൈവനാമത്തിൽ സത്യപ്രതിജ്ഞ ചെയ്തു. 

ആൻ്റണി രാജു സത്യപ്രതിജ്ഞ ചെയ്യുന്നു. 

ഐഎൻഎല്ലിൻ്റെ അഹമ്മദ് ദേവർകോവിലും മന്ത്രിയായി സത്യപ്രതിജ്ഞ ചെയ്തു. അള്ളാഹുവിൻ്റെ നാമത്തിൽ ആയിരുന്നു ഐഎൻഎൽ മന്ത്രിയുടെ സത്യപ്രതിജ്ഞ

എ കെ ശശീന്ദ്രൻ മന്ത്രിയായി സത്യപ്രതിജ്ഞ ചെയ്തു

കെ കൃഷ്ണൻകുട്ടിയും സത്യപ്രതിജ്ഞ ചെയ്തു, ദൈവനാമത്തിലായിരുന്നു ചിറ്റൂരിൽ നിന്ന് എംഎൽഎ ആയ മന്ത്രിയുടെ സത്യപ്രതിജ്ഞ. കഴിഞ്ഞ മന്ത്രിസഭയിലും കൃഷ്ണൻകുട്ടി അംഗമായിരുന്നു.

മൂന്നാമതായി കേരള കോൺഗ്രസിൻ്റെ റോഷി അഗസ്റ്റിൻ ദൈവനാമത്തിൽ സത്യപ്രതിജ്ഞ ചെയ്തു. ഇടുക്കിയിൽ നിന്ന് ഇക്കുറിയും നിയമസഭയിലെത്തിയ റോഷി അഗസ്റ്റിൻ ആണ് കേരള കോൺഗ്രസ് മാണി ഗ്രൂപ്പ് മന്ത്രി സ്ഥാനം നൽകിയത്.

മുഖ്യമന്ത്രിക്ക് ശേഷം സിപിഐയുടെ  കെ രാജൻ സഗൗരവം സത്യപ്രതിജ്ഞ ചെയ്തു.ഒല്ലൂരിൽ നിന്നാണ് സിപിഐയുടെ കരുത്തുറ്റ നേതാവ് ഇത്തവണ നിയമസഭയിലെത്തിയത്.

പിണറായി വിജയൻ കേരളത്തിൻ്റെ മുഖ്യമന്ത്രിയായി വീണ്ടും സഗൗരവം സത്യപ്രതിജ്ഞ ചെയ്തു.

 

 

 

പിണറായി വിജയൻ കേരളത്തിൻ്റെ മുഖ്യമന്ത്രിയായി വീണ്ടും സത്യപ്രതിജ്ഞ ചെയ്യുന്നു

സത്യപ്രതിജ്ഞ ചടങ്ങുകൾ തുടങ്ങി. ദേശീയ ഗാനം ആലപിക്കുന്നു. 

ഗവർണ്ണർ സെൻട്രൽ സ്റ്റേഡിയത്തിൽ എത്തി

 

ഗവർണ്ണർ ആരിഫ് മുഹമ്മദ് ഖാൻ  അൽപ്പസമയത്തിനകം വേദിയിലെത്തും. 

 

മുൻ മന്ത്രി പികെ ശ്രീമതി, വനിത കമ്മീഷൻ അധ്യക്ഷ എംസി ജോസഫൈൻ തുടങ്ങിയവർ എകെജി സെന്ററിലെ ടിവിയിൽ സത്യപ്രതിജ്ഞ കാണുന്നു.

എല്ലാവരെയും അഭിവാദ്യം ചെയ്ത് മുഖ്യമന്ത്രി

"

രണ്ടാം പിണറായി സർക്കാരിൻ്റെ സത്യപ്രതിജ്ഞ ചടങ്ങിന് സാക്ഷിയാകാൻ മുതിർന്ന നേതാക്കളെല്ലാം സെൻട്രൽ സ്റ്റേഡിയത്തിലെത്തിയിട്ടുണ്ട്. സിപിഎം ജനറൽ സെക്രട്ടറി സീതാറാം യെച്ചൂരി, സിപിഐ സംസ്ഥാന സെക്രട്ടറി കാനം രാജേന്ദ്രൻ, മുതിർന്ന നേതാവ് പന്ന്യൻ രവീന്ദ്രൻ, സിപിഎം സംസ്ഥാന സെക്രട്ടറി എ വിജയരാഘവൻ തുടങ്ങി പ്രമുഖരുടെ നീണ്ട നിര തന്നെ സ്റ്റേഡിയത്തിലുണ്ട്.

Read more at: മുഖ്യമന്ത്രിയും മന്ത്രിമാരും എത്തി; സത്യപ്രതിജ്ഞ അൽപസമയത്തിനകം ...

 

52 ഗായകരും പ്രമുഖറും അണിചേരുന്ന നവകേരള ഗീതാഞ്ജലി സെൻട്രൽ സ്റ്റേഡിയത്തിൽ പ്രദർശിപ്പിക്കുന്നു. 

സത്യപ്രതിജ്ഞാ ചടങ്ങുകൾക്ക് തുടക്കമാകുന്നു, മുഖ്യമന്ത്രി പിണറായി വിജയൻ സെൻട്രൽ സ്റ്റേഡിയത്തിൽ എത്തി.

തൽസമയം കാണാം..