പിഎം ശ്രീയില്‍ യുഡിഎഫ് സര്‍ക്കാറിന്‍റെ ആദ്യ നടപടി; മന്ത്രിസഭ ഉപസമിതി ആദ്യ യോഗം ചേർന്നു, പൊതു വിദ്യാഭ്യാസ സെക്രട്ടറി തൽസ്ഥിതി വിശദീകരിച്ചു

പിഎം ശ്രീ പദ്ധതി നടപ്പാക്കുന്നതുമായി ബന്ധപ്പെട്ട മന്ത്രിസഭ ഉപസമിതിയുടെ ആദ്യ യോഗം ചേർന്നു. പ്രാഥമിക ചർച്ചകൾ നടന്ന യോഗത്തിൽ, പദ്ധതിയിൽ ഒപ്പിട്ടതിനെ ചൊല്ലി നിയമസഭയിൽ മുഖ്യമന്ത്രി പിണറായി വിജയനും പ്രതിപക്ഷ നേതാവ് വി ഡി സതീശനും തമ്മിൽ രൂക്ഷമായ വാക്പോര് നടന്ന പശ്ചാത്തലത്തിലാണ് ഈ യോഗം.

തിരുവനന്തപുരം: പിഎം ശ്രീ നടപ്പാക്കുന്നതുമായി ബന്ധപ്പെട്ട കരാറിൽ തീരുമാനമെടുക്കുന്നതിനായി സർക്കാർ രൂപീകരിച്ച മന്ത്രിസഭ ഉപസമിതിയുടെ ആദ്യ യോഗം ചേർന്നു. യോ​ഗത്തിൽ പ്രാഥമിക ചർച്ച മാത്രമാണ് നടന്നത്. പൊതു വിദ്യാഭ്യാസ സെക്രട്ടറി തൽസ്ഥിതി വിശദീകരിച്ചു. വിശദമായി വീണ്ടും ചർച്ച നടത്താൻ യോ​ഗത്തിൽ ധാരണയായി. പിഎം ശ്രീപദ്ധതി നടപ്പിലാക്കുന്നതുമായി ബന്ധപ്പെട്ട് നിയമസഭയിൽ മുഖ്യമന്ത്രി വി ഡി സതീശനും പ്രതിപക്ഷ നേതാവ് പിണറായി വിജയനും തമ്മിൽ വാക്പോര് നടന്നിരുന്നു. പിൻവലിക്കാൻ ആണോ പദ്ധതയിയിൽ ഒപ്പിട്ടതെന്ന് മുഖ്യമന്ത്രി ചോദിച്ചു. ആർഎസിഎസിന്റെ വിഷ സർപ്പങ്ങൾക്ക് മുന്നിൽ വച്ച വിളക്ക് കൊളുത്തിയത് ഇടത് സർക്കാർ ആണെന്നും വി ഡി സതീശൻ പറഞ്ഞു. ഇതോടെ മുഖ്യമന്ത്രിക്ക് മറുപടിയുമായി പ്രതിപക്ഷ നേതാവ് രം​ഗത്തെത്തി. ഇപ്പോൾ പിഎം ശ്രീ ഇല്ലെന്നും പദ്ധതി നടപ്പാക്കിയിട്ടില്ലെന്നും പിണറായി മറുപടി നൽകി. 

പിഎം ശ്രീ നടപ്പാക്കേണ്ടതില്ലെന്ന് നയപരമായ തീരുമാനമാണെന്ന് പിണറായി പറഞ്ഞു. ഞങ്ങൾ നടപ്പാക്കിയില്ല. നിങ്ങൾ നടപ്പാക്കാൻ ശ്രമിക്കുകയാണെന്നും എസ്എസ്കെ ഫണ്ട് തടഞ്ഞെന്നും പിണറായി പറഞ്ഞു. എസ്എസ്കെ ഫണ്ട് തടഞ്ഞത് കൊണ്ടാണ് ഒപ്പ് വെച്ചതെന്നും പിണറായി വിശദീകരിച്ചതോടെ പിണറായിയെ പരിഹസിച്ചു ഭരണ പക്ഷം രം​ഗത്തെത്തി. എൻഇപി നടപ്പാക്കില്ലെന്ന് കേരളം നേരത്തെ തീരുമാനിച്ചു. ഇമ്മാതിരി ആളെ കൊണ്ട് വച്ചാൽ നിങ്ങൾ അപകടത്തിലാകുമെന്ന് പിണറായിയും തിരിച്ചടിച്ചു. എട്ട് മാസമായി നടപടി എടുത്തില്ലെന്ന് പിണറായി പറഞ്ഞു. എന്നാൽ ആർഎസ്എസിന് കീഴടങ്ങി ഒപ്പിട്ടുവെന്ന് സതീശൻ തിരിച്ചടിച്ചു. ഞങ്ങൾ നടപ്പാക്കുമെന്ന് പറഞ്ഞിട്ടില്ലെന്നും എൻഇപി ഒരിക്കലും നടപ്പാക്കില്ലെന്നും സതീശൻ മറുപടി പറഞ്ഞു.