ദുരിതാശ്വാസം സംബന്ധിച്ച് വ്യാജവാര്ത്ത; ഒരാള് അറസ്റ്റില്, രജിസ്റ്റര് ചെയ്തത് 27 കേസുകള്
Synopsis
ദുരിതാശ്വാസ പ്രവര്ത്തനങ്ങളെ കുറിച്ച് സാമൂഹിക മാധ്യമങ്ങളിൽ വ്യാജവാര്ത്തകള് പ്രചരിപ്പിച്ച ഒരാൾ അറസ്റ്റിൽ.
തിരുവനന്തപുരം: ദുരിതാശ്വാസപ്രവര്ത്തനങ്ങളുമായി ബന്ധപ്പെട്ട് സാമൂഹികമാധ്യമങ്ങളിലൂടെ വ്യാജവാര്ത്തകള് പ്രചരിപ്പിച്ചതിന് രജിസ്റ്റര് ചെയ്ത കേസുകളുടെ എണ്ണം 27 ആയി. സാമൂഹ്യമാധ്യമങ്ങളിലെ കുപ്രചരണം നടത്തിയ ഒരാളെ അറസ്റ്റ് ചെയ്തിട്ടുമുണ്ട്. സംസ്ഥാന പൊലീസ് മേധാവി ലോകനാഥ് ബെഹ്റയാണ് ഇക്കാര്യം അറിയിച്ചത്.
തിരുവനന്തപുരം സിറ്റി, തിരുവനന്തപുരം റൂറല്, പത്തനംതിട്ട, കോട്ടയം, ആലപ്പുഴ, തൃശൂര് സിറ്റി, മലപ്പുറം, വയനാട് എന്നിവിടങ്ങളില് രണ്ടു വീതവും കൊല്ലം സിറ്റി, കൊല്ലം റൂറല്, ഇടുക്കി, എറണാകുളം സിറ്റി, എറണാകുളം റൂറല്, തൃശൂര് റൂറല്, പാലക്കാട്, കോഴിക്കോട് സിറ്റി, കോഴിക്കോട് റൂറല്, കണ്ണൂര്, കാസര്ഗോഡ് എന്നിവിടങ്ങളില് ഒന്ന് വീതവും കേസുകളാണ് വ്യാജവാര്ത്തകളുമായി ബന്ധപ്പെട്ട് രജിസ്റ്റര് ചെയ്തിരിക്കുന്നത്.
രജിസ്റ്റര് ചെയ്ത കേസുകള് സംബന്ധിച്ച് സൈബര് സെല്, സൈബര് ഡോം, ഹൈടെക് സെല് എന്നിവ വിശദമായി അന്വേഷണം ആരംഭിച്ചിട്ടുണ്ട്. വ്യാജവാര്ത്തകള് പ്രചരിപ്പിക്കുന്നവര്ക്കെതിരെയുള്ള അന്വേഷണവും മറ്റു നിയമനടപടികളും ഊര്ജ്ജിതപ്പെടുത്തിയതായി ലോകനാഥ് ബെഹ്റ അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam