Bus Strike : നിരക്ക് വര്ധന വേണമെന്നാവശ്യം;സ്വകാര്യ ബസുകൾ പണിമുടക്കിലേക്ക്
Synopsis
മിനിമം ചാര്ജ്ജ് എട്ടില് നിന്ന് പന്ത്രണ്ടായി ഉയര്ത്തണമെന്ന് ഗതാഗത മന്ത്രിയുമായി നവംബറില് നടത്തിയ ചര്ച്ചയില് ബസുടമകള് ആവശ്യപ്പെട്ടിരുന്നു. രണ്ട് മാസം കഴിഞ്ഞിട്ടും സര്ക്കാര് തീരുമാനം ഉണ്ടാകാത്ത സാഹചര്യത്തിലാണ് അനിശ്ചിത കാല സമരത്തിലേക്ക് പോകാന് സ്വകാര്യ ബസുടമകള് തയാറെടുക്കുന്നത്
പാലക്കാട്: നിരക്ക് വര്ധന (ticket rate increase)ആവശ്യപ്പെട്ട് സംസ്ഥാനത്തെ സ്വകാര്യ ബസുകള് (private buses)പണിമുടക്കിലേക്ക്. രണ്ട് ദിവസത്തിനുള്ളില് സര്ക്കാര് തീരുമാനമുണ്ടായില്ലെങ്കില് സമരത്തിലേക്ക് പോകുമെന്ന് ബസ് ഓപ്പറേറ്റേഴ്സ് ഓര്ഗനൈസേഷന് അറിയിച്ചു.
മിനിമം ചാര്ജ്ജ് എട്ടില് നിന്ന് പന്ത്രണ്ടായി ഉയര്ത്തണമെന്ന് ഗതാഗത മന്ത്രിയുമായി നവംബറില് നടത്തിയ ചര്ച്ചയില് ബസുടമകള് ആവശ്യപ്പെട്ടിരുന്നു. രണ്ട് മാസം കഴിഞ്ഞിട്ടും സര്ക്കാര് തീരുമാനം ഉണ്ടാകാത്ത സാഹചര്യത്തിലാണ് അനിശ്ചിത കാല സമരത്തിലേക്ക് പോകാന് സ്വകാര്യ ബസുടമകള് തയാറെടുക്കുന്നത്. ഒപ്പം ടാക്സ് ഇളവും സംഘടന ആവശ്യപ്പെടുന്നു
ഫെബ്രുവരി ആദ്യവാരം നടക്കുന്ന മന്ത്രിസഭാ യോഗത്തിലും നിരക്കു വര്ധിപ്പിക്കുന്ന കാര്യത്തില് തീരുമാനമുണ്ടായില്ലെങ്കില് യോഗം ചേര്ന്ന് അനിശ്ചിത കാല സമരം തീരുമാനിക്കും. ഏഴായിരത്തിയഞ്ഞൂറ് സ്വകാര്യ ബസുകളാണ് സംസ്ഥാനത്ത് ഇപ്പോള് സര്വ്വീസ് നടത്തുന്നത്. നിരക്ക് വർധന നടപ്പാക്കണമെന്നാവശ്യപ്പെട്ട് ഡിസംബറിൽസമരം പ്രഖ്യാപിച്ചെങ്കിലും ക്രിസ്തുമസ്, ന്യൂ ഇയര് തിരക്ക് പ്രമാണിച്ച് സമരം പിന്വലിച്ചിരുന്നു
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam