ഉരുൾപൊട്ടൽ; ആശങ്ക വേണ്ട, ആളപായമില്ല, മഴയ്ക്ക് ശമനം: പാലക്കയം വില്ലേജ് ഓഫീസർ

പാലക്കാട്‌ മണ്ണാർക്കാട് 4  മണിക്കൂറിൽ 151 mm മഴയാണ് പെയ്തത്. ഉച്ച കഴിഞ്ഞ് 3.30 മുതലാണ് മഴ തുടങ്ങിയത്. 

പാലക്കാട്: പാലക്കാട് പാലക്കയത്തുണ്ടായ ഉരുൾപൊട്ടലിൽ ആശങ്ക വേണ്ടെന്നും ആളപായമില്ലെന്നും പാലക്കയം വില്ലേജ് ഓഫീസർ ഏഷ്യാനെറ്റ് ന്യൂസിനോട് പറഞ്ഞു. പുഴക്ക് അക്കരെ കുടുങ്ങിയ 2 വീട്ടുകാരെ രക്ഷപ്പെടുത്തി. ഉരുൾപൊട്ടലുണ്ടായ സമയത്ത് പുഴക്ക് അക്കരെ ആളുകൾ കുടുങ്ങിയിരുന്നു. മഴ മാറി നിൽക്കുന്നത് ആശ്വാസമാണെന്നും ഡാമിൽ നിന്നും കൂടുതൽ വെള്ളം തുറന്നു വിടുമെന്നും വില്ലേജ് ഓഫീസർ അറിയിച്ചു. ഇവിടെ  വൈദ്യുതി പൂർണമായി തടസപ്പെട്ടിരിക്കുകയാണ്. എന്നാൽ മഴയ്ക്ക് ശമനമായിട്ടുണ്ട്.  പാലക്കാട്‌ മണ്ണാർക്കാട് 4  മണിക്കൂറിൽ 151 mm മഴയാണ് പെയ്തത്. ഉച്ച കഴിഞ്ഞ് 3.30 മുതലാണ് മഴ തുടങ്ങിയത്.