അജ്മീറില് നിന്നും ഷെയ്ന് തിരിച്ചെത്തി: അമ്മ ഭാരവാഹികളുമായി ചര്ച്ചയ്ക്ക് സമയം തേടി
Synopsis
ഒരാഴ്ചയായി രാജസ്ഥാനിലെ അജ്മീറിലായിരുന്ന നടൻ ഷെയ്ൻ നിഗം കൊച്ചിയില് തിരിച്ചെത്തി
കൊച്ചി: ഒരാഴ്ചയായി രാജസ്ഥാനിലെ അജ്മീറിലായിരുന്ന നടൻ ഷെയ്ൻ നിഗം കൊച്ചിയില് തിരിച്ചെത്തി. താരസംഘടന അമ്മയുടെ ഭാരവാഹികളുമായി ഫോണില് സംസാരിച്ചു. വിലക്ക് നീക്കുന്നതുമായി ബന്ധപ്പെട്ട പ്രാഥമിക ചര്ച്ചകള്ക്കായി ഷെയ്ന് അമ്മ ഭാരവാഹികളോട് സമയം ചോദിച്ചിട്ടുണ്ട്. 3 ദിവസത്തിനകം കൂടിക്കാഴ്ച ഉണ്ടാകുമെന്ന സൂചനയാണ് അമ്മ ഭാരവാഹികള് നല്കുന്നത്. വെയില്, ഖുര്ബാനി, ഉല്ലാസം എമ്മീ സിനിമകള് മുടങ്ങിയതോടെയാണ് നിര്മ്മാതാക്കളുടെ സംഘടന, ഷെയ്ൻ നിഗത്തിന് വിലക്ക് ഏര്പ്പെടുത്തിയത്. ഈ മൂന്ന് സിനിമകളും പൂര്ത്തിയാക്കും എന്ന ഉറപ്പ് ഷെയ്നില് നിന്നും വാങ്ങിയെടുത്ത ശേഷമായിരിക്കും അമ്മ ഭാരവാഹികള് നിര്മ്മാതാക്കളുമായുള്ള ചര്ച്ചയിലേക്ക് കടക്കുക.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam