രണ്ട് മത്സ്യബന്ധനബോട്ടുകള് കാണാതായി; സഹായം തേടി ശശി തരൂര് എംപി
Published : Oct 25, 2019, 05:53 PM IST
Synopsis
'എല്സദാ', 'സ്റ്റാര് ഓഫ് ദി സീ 2' എന്നീ ബോട്ടുകളാണ് കാണാതായത്. മുംബൈ തീരത്തിന് സമീപം വച്ചാണ് ബോട്ടുകള് കാണാതായതെന്നും 16 മത്സ്യത്തൊഴിലാളികള് ഇരുബോട്ടുകളിലുമായി ഉള്പ്പെട്ടിട്ടുണ്ടെന്നും ശശി തരൂര്
തിരുവനന്തപുരം: തിരുവനന്തപുരത്ത് നിന്നുള്ള രണ്ട് മത്സ്യബന്ധന ബോട്ടുകള് കാണാതായതായി എംപി ശശി തരൂര്. അതിവേഗം കോസ്റ്റ് ഗാര്ഡ് ബോട്ടുകള് കണ്ടെത്താനായി സഹായിക്കണമെന്നും ട്വിറ്ററിലൂടെ ശശി തരൂര് അഭ്യര്ത്ഥിച്ചു.
'എല്സദാ', 'സ്റ്റാര് ഓഫ് ദി സീ 2' എന്നീ ബോട്ടുകളാണ് കാണാതായത്. മുംബൈ തീരത്തിന് സമീപം വച്ചാണ് ബോട്ടുകള് കാണാതായതെന്നും 16 മത്സ്യത്തൊഴിലാളികള് ഇരുബോട്ടുകളിലുമായി ഉള്പ്പെട്ടിട്ടുണ്ടെന്നും ശശി തരൂര് അറിയിച്ചു.