മഹാരാജാസില് അധ്യാപകനെ അപമാനിച്ച സംഭവം; കെഎസ്യു നേതാവടക്കം ആറ് വിദ്യാര്ത്ഥികള്ക്ക് സസ്പെന്ഷന്
Synopsis
ക്ലാസ് നടക്കുമ്പോള് കളിച്ചും ചിരിച്ചും അനുവാദമില്ലാതെ പ്രവേശിക്കുകയും ചെയ്തു. ഇവ വീഡിയോയായി ചിത്രീകരിച്ച് പ്രചരിപ്പിച്ച സംഭവത്തിലാണ് കോളേജിന്റെ നടപടി.
എറണാകുളം: മഹാരാജാസ് കോളേജില് അന്ധനായ അധ്യാപകനെ അപമാനിച്ച സംഭവത്തില് ആറ് വിദ്യാര്ത്ഥികള്ക്ക് സസ്പെന്ഷന്. കെഎസ്യു യൂണിറ്റ് വൈസ് പ്രസിഡന്റ് ഫാസില് അടക്കം ആറ് പേരെയാണ് സസ്പെന്ഡ് ചെയ്തത്. പൊളിറ്റിക്കല് സയന്സ് അധ്യാപകനായ പ്രിയേഷിനെയാണ് വിദ്യാര്ത്ഥികള് അപമാനിച്ചത്. ക്ലാസ് നടക്കുമ്പോള് കളിച്ചും ചിരിച്ചും അനുവാദമില്ലാതെ പ്രവേശിക്കുകയും ചെയ്തു. ഇവ വീഡിയോയായി ചിത്രീകരിച്ച് പ്രചരിപ്പിച്ച സംഭവത്തിലാണ് കോളേജിന്റെ നടപടി.
പുറത്തുവന്ന വീഡിയോ ദൃശ്യങ്ങള് സങ്കടകരവും പ്രതിഷേധാര്ഹവുമാണെന്ന് എസ്എഫ്ഐ സംസ്ഥാന സെക്രട്ടറി പി എം ആര്ഷോ പറഞ്ഞു. കാഴ്ച്ച പരിമിതിയുള്ള അധ്യാപകന് ക്ലാസെടുത്ത് കൊണ്ടിരിക്കുമ്പോള് അദ്ദേഹത്തെ പരിഹസിക്കുന്ന ദൃശ്യങ്ങള് കണ്ട് മനസ്സുലഞ്ഞ് നില്ക്കുകയാണ്. അധ്യാപകനെ ക്ലാസിനിടയ്ക്ക് അപമാനിച്ചു എന്ന് മാത്രമല്ല, അത് റീല് ആക്കി നവമാധ്യമങ്ങളില് ഷെയര് ചെയ്യുകയും ചെയ്തിരിക്കുന്നു ഒരു കൂട്ടം വിദ്യാര്ത്ഥികള്. എന്തെല്ലാം പ്രതിസന്ധികള് അതിജീവിച്ചായിരിക്കണം അധ്യാപകൻ മഹാരാജാസിലെ അധ്യാപകനായി തീര്ന്നത്. ഇന്ക്ലൂസീവ് എജ്യുക്കേഷനെ കുറിച്ച് ചര്ച്ച നടക്കുന്ന ഈ കാലത്ത് ' രാഷ്ട്രീയം ' ഐച്ഛിക വിഷയമായെടുത്ത് പഠിക്കുന്ന വിദ്യാര്ത്ഥികള്ക്കിടയില് നിന്ന് ഇത്തരമൊരു സമീപനം പ്രതീക്ഷിക്കുന്നില്ലെന്ന് ആര്ഷോ പറഞ്ഞു. ഫാസിലിനെതിരെ കെഎസ്യു സംസ്ഥാന നേതൃത്വം നടപടിയെടുക്കണമെന്നും ആര്ഷോ ആവശ്യപ്പെട്ടു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam