പരിക്കേറ്റവര്‍ക്ക് പിന്തുണ പ്രഖ്യാപിച്ച് കോട്ടക്കല്‍-ചെമ്മാട്, വളാഞ്ചേരി -തിരൂര്‍ റൂട്ടുകളിലും സ്വകാര്യ ബസ് തൊളിലാളികള്‍ പണിമുടക്കിയിരുന്നു.
തൃശ്ശൂർ: കോഴിക്കോട് - തൃശ്ശൂര്‍ റൂട്ടിൽ സ്വകാര്യ ബസ് ജീവനക്കാര്‍ നടത്തിവന്ന പണിമുടക്ക് പിൻവലിച്ചു. പുത്തനത്താണിക്ക് സമീപം ചുങ്കത്ത് വച്ച് സ്വകാര്യ ബസ് ജീവനക്കാരും നാട്ടുകാരും തമ്മിലുണ്ടായ സംഘര്‍ഷത്തിനിടെ ബസ് ജീവനക്കാര്‍ക്ക് മര്‍ദ്ദനമേറ്റിരുന്നു. ഈ കേസിലെ പ്രതികളെ പിടിക്കൂടണമെന്നാവശ്യപ്പെട്ടായിരുന്നു സമരം.
കേസിലെ പ്രതികളെ തിരിച്ചറിഞ്ഞിട്ടുണ്ടെന്നും വൈകാതെ അറസ്റ്റ് ചെയ്യുമെന്നും പൊലീസ് നല്‍കിയ ഉറപ്പിനെ തുടര്‍ന്നാണ് പണിമുടക്ക് പിൻവലിച്ചതെന്ന് തൊളിലാളി സംഘടനാ നേതാക്കള്‍ പറഞ്ഞു. പരിക്കേറ്റവര്‍ക്ക് പിന്തുണ പ്രഖ്യാപിച്ച് കോട്ടക്കല്‍-ചെമ്മാട്, വളാഞ്ചേരി -തിരൂര്‍ റൂട്ടുകളിലും സ്വകാര്യ ബസ് തൊളിലാളികള്‍ പണിമുടക്കിയിരുന്നു.