ബഫർ സോൺ: മുഖ്യമന്ത്രിയെ ആരോ തെറ്റിദ്ധരിപ്പിച്ചുവെന്ന് തിരുവഞ്ചൂർ രാധാകൃഷ്ണൻ എംഎൽഎ

പരിസ്ഥിതി ലോല പ്രദേശം വനാർത്തിയിൽ ഒതുക്കണമെന്ന ഉമ്മൻ വി ഉമ്മൻ റിപ്പോർട്ട് പ്രകാരമുള്ള മുൻ യുഡിഎഫ് സർക്കാർ സ്വീകരിച്ച തീരുമാനം പിന്നാലെ വന്ന എൽഡിഎഫ് സർക്കാരും അംഗീകരിച്ചതാണെന്ന് കോൺഗ്രസ് നേതാവ്

കോട്ടയം: ബഫർ സോൺ വിഷയത്തിൽ മുഖ്യമന്ത്രി തെറ്റിദ്ധരിപ്പിക്കപ്പെട്ടതായി തിരുവഞ്ചൂർ രാധാകൃഷ്ണൻ എംഎൽഎ. വിഷയത്തിൽ ഇപ്പോൾ തിടുക്കപ്പെട്ട് സ്വീകരിച്ചിരിക്കുന്ന സംസ്ഥാന സർക്കാർ നിലപാട് അനുചിതമാണ്. പരിസ്ഥിതി ലോല പ്രദേശം വനാർത്തിയിൽ ഒതുക്കണമെന്ന ഉമ്മൻ വി ഉമ്മൻ റിപ്പോർട്ട് പ്രകാരമുള്ള മുൻ യുഡിഎഫ് സർക്കാർ സ്വീകരിച്ച തീരുമാനം പിന്നാലെ വന്ന എൽഡിഎഫ് സർക്കാരും അംഗീകരിച്ചതാണ്. ഇതിന് ഘടക വിരുദ്ധമായി 2019 ഡിസംബറിലെ ക്യാബിനറ്റ് തിരുമാനം പ്രകാരം ബഫർ സോൺ പരിധി നിശ്ചയിച്ചാൽ വാനാതിർത്തിയിൽ നിന്ന് നാല് കിലോമീറ്റർ ജനവാസ മേഖല ഉൾപ്പെടുന്ന പ്രദേശം ബഫർ സോണായി മാറും. ഇതാണ് സുപ്രീം കോടതിയിൽ നൽകിയിരിക്കുന്നതെന്നും തിരുവഞ്ചൂർ പറഞ്ഞു.