'സാങ്കേതിക തകരാർ: സംസ്ഥാനത്ത് ട്രഷറി പ്രവർത്തനം തടസപ്പെട്ടു'; ശമ്പള വിതരണം മുടങ്ങി

ശമ്പള വിതരണമടക്കം തടസ്സപ്പെട്ടു. തകരാർ പരിഹരിക്കാൻ ശ്രമം തുടങ്ങിയതായി ട്രഷറി ഡയറക്ടറേറ്റ് അറിയിച്ചു. 

തിരുവനന്തപുരം : സാങ്കേതിക തകരാർ മൂലം സംസ്ഥാനത്ത് ട്രഷറി സേവനങ്ങൾ തടസപെട്ടു. രാവിലെ പതിനൊന്നു മണിയോടെയാണ് നെറ്റ് വർക്കിലുണ്ടായ തകരാർ കാരണം ട്രഷറികളിൽ സേവനങ്ങൾ തടസപ്പെട്ടത്. ഇതേ തുടർന്ന് ശമ്പള വിതരണമടക്കം മുടങ്ങി. ഡാറ്റ ബേസിലും സർവ്വറിലുമുള്ള തകരാറിനെ തുടർന്നാണ് സേനനങ്ങൾ തടസപ്പെട്ടതെന്നാണ് പ്രാഥമിക വിവരം.  രണ്ടുമണിയോടെ സാങ്കേതിക തകരാർ പരിഹരിച്ചതായി ട്രഷറി ഡയറക്ടറേറ്റ് അറിയിച്ചു.